Mil-lum sa nhar is-Sibt li ġej twaħħlu kameras apposta ġewwa diversi lokalitajiet fil-Mosta biex jgħoddu t-traffiku. Sewwa qrajt, biex jgħoddu t-traffiku. Ma jinteressahomx min sejjer fejn. Probabbli qed jagħmlu dan l-eżerċizzju sabiex ikollhom statistika ta’ kemm karozzi jgħaddu miż-żona b’ċans li forsi jimplimentaw xi tibdil għal aktar effiċenza.
Dawn huma l-ħames żoni li ħa jkun hemm dawn l-imberkin kameras:
- Triq Valleta ma’ Vjal Il-Labour
- Triq Pantar ma’ Triq Valletta
- Triq Ta’ Torba ma’ Triq Durmblat
- Triq Pantar aċċess mill-PAMA
- Triq Valletta aċċess mill-PAMA
Insomma tkunu ħa tgħaddu minn hawn bħal dejjem importanti li żżommu mar-regoli tat-traffiku, u jekk tixħthu xi tbissima fuq wiċċkom tidhru isbaħ fuq il-kamera. Mhux li jinteressahom wisq kif tidhru imma dejjem tajjeb li titbissem ftit fit-triq. Ma tridx tinqabad fuq il-kamera b’xi wiċċ jitkerrah jew iħares bl-ikrah hux.
Ritratt: Instagram / The Real Tech Connoisseur
