Ixxerja

L-Avukat Frank Anthony Tabone ġibed l-attenzjoni għal dak li ddeskriva bħala nuqqas fis-servizzi veterinarji ta’ emerġenza f’Għawdex.

Dan wara li, skont Tabone, annimal domestiku kellu jqatta’ lejl sħiħ ibati minħabba li ma kienx hemm servizz veterinarju ta’ emerġenza disponibbli fil-gżira.

Tabone sostna li l-ħarsien tal-annimali m’għandux jieqaf biss ma’ pieni aktar ħorox għal min jittrattahom ħażin, iżda għandu jinkludi wkoll għajnuna immedjata meta annimal ikun fil-periklu. Filwaqt li rringrazzja lill-għaqdiet u lill-voluntiera li jippruvaw jagħmlu dak kollu possibbli biex jgħinu, saħaq ukoll li din ir-responsabbiltà m’għandhiex taqa’ biss fuqhom.

“Jekk mhux sptar tal-annimali, tal-inqas irridu servizz veterinarju ta’ emerġenza adegwat u 24 siegħa f’Għawdex,” sostna Tabone, filwaqt li temm jgħid li "meta ħajja tkun fil-periklu, kull minuta tgħodd."

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

 “Illum Fadal Biss Il-Memorji” – Oliver Scicluna B’Messaġġ Mimli Emozzjoni

Eileen Cumbo Salerno Illum

Oliver Scicluna qasam messaġġ mill-isbaħ fuq il-paġna tiegħu fejn fakkar fi żminijiet sbieħ mal-familja tiegħu, marbuta b’mod speċjali mal-Festa ta’ San Lawrenz.Hu rrakkonta kif bħall-bieraħ, in-Nanna tiegħu Esther kienet tlaqqa’ lill-familja kollha għandha u tħejjilhom minn kollox biex flimkien jieklu, jixorbu, jidħku u jgawdu l-kumpanija ta’ xulxin. San Lawrenz kien għal qalb ħafna n-Nanna Esther […]