Ixxerja

Ristorant lokali li jinsab f'San Pawl il-Baħar qed jappella għall-għajnuna tal-pubbliku wara li matul il-lejl allegatament insteraqlu televixin li kien imwaħħal mal-ħajt.

Fuq il-midja soċjali s-sidien tar-ristorant 'The Sea Cloud' tellgħu xi filmati meħuda bil-kameras tas-CCTV fejn fihom, minn żewġ angoli differenti, raġel jidher qiegħed jersaq lejn ir-ristorant u jieħu miegħu televixin imdaqqas. Jidher li dan ġara għall-ħabta tat-2:55.

Is-sidien tar-ristorant allegaw li l-istess persuna serqitilhom ukoll ftit jiem ilu xi siġġijiet. Dwar dan huma tellgħu filmat ieħor meħud bis-CCTV li juri persuna qiegħda tisraq xi siġġijiet mir-ristorant. Madankollu, dan il-filmat ma jurix wiċċ il-persuna.

Fl-istqarrija li kitbu, is-sidien esprimew it-tħassib tal-ħaddiema tagħhom. "Il-ħaddiema tagħna huma ġenwinament imħassba li jistgħu jiġu f'konfront ma' din il-persuna," saħqu s-sidien.

F'dan l-isfond, huma appellaw lil kull min għandu xi tagħrif dwar l-identità ta' din il-persuna sabiex jgħarrafhom minnufih, hekk kif jidher li bħalissa l-pulizija għaddejja bl-investigazzjonijiet tagħha.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Għada Jitfakkru 25 Sena Mill-Attakki Fuq It-Twin Towers Li Ħasdu L-Ħajja Ta’ Kważi 3,000 Ruħ

Cristian Tonna Illum

Fil-11 ta’ Settembru tal-2001, id-dinja waqfet ixxukkjata sabiex issegwi x’kien qed jiġri fil-belt ta’ New York, fl-Amerka, hekk kif kienu bdew deħlin rapporti li ajruplan kien kraxxja f’waħda mill-binjiet għoljin tal-belt. Ma damx ma sar magħruf li dak li kien qed iseħħ kien attakk terroristiku.Kienu erba’ ajruplani li ġew maħtufa bil-għan li jitwettqu dawn l-attakki. […]