Anthea Bezzina qasmet messaġġ mill-qalb biex tawgura lill-ġenituri tagħha fl-anniversarju taż-żwieġ tagħhom, filwaqt li rringrazzjathom tal-imħabba u l-valuri li għaddewlha tul is-snin.
Fuq il-midja soċjali, Anthea kitbet li l-eżempju tagħhom għallimha li l-imħabba vera mhijiex mibnija biss fuq il-mumenti kbar tal-ħajja, iżda fuq l-għażla li żewġ persuni jagħmlu li jibqgħu jagħżlu lil xulxin kuljum, kemm fiż-żminijiet sbieħ kif ukoll f’dawk diffiċli.
Hija rringrazzjathom talli bnew dar mimlija mħabba, daħk u appoġġ bla qies – ambjent li, kif stqarret hi stess, ħalla impatt kbir fuq il-mod kif tħares lejn il-familja u r-relazzjonijiet.
Anthea temmet il-messaġġ tagħha billi esprimiet kemm tħobbhom, filwaqt li awguratilhom anniversarju sabiħ u mimli aktar mumenti sbieħ flimkien.
Aħna ningħaqdu mal-awguri lil ommha u missierha f'dan il-jum speċjali. Awguri mill-qalb!
Facebook / Anthea Bezzina
