Il-possibbiltà ta’ ttestjar rapidu mal-pajjiż kollu għall-Gżejjer Maltin ma ġiex eskluż hekk kif id-Dipartiment tas-Saħħa qed iħares lejn ir-riżultati ta’ pajjiżi oħra qabel jiddeċiedi jekk għandux isir dan!
Is-Slovakkja, pajjiż b’popolazzjoni ta’ 5.6 miljun ittestjata lil kulħadd bl-użu ta’ testijiet rapidi. Ġie rrappurtat li madwar wieħed fil-mija ta’ dawk li pparteċipaw ittestjaw pożittiv għall-virus, bil-pajjiż jibda t-tieni rawnd tiegħu ta’ ttestjar mal-pajjiż kollu.
Il-kelliem għas-saħħa tal-Partit Nazzjonalista Stephen Spiteri ressaq proposta biex tabilħaqq il-popolazzjoni kollha tiġi ttestjata, u ħeġġeġ li jsir dan qabel il-piż fuq is-sistema tas-saħħa jiġġarraf.
“Dan jippermetti li spreaders asintomatiċi jiġu skrinjati u iżolati. Miżuri aktar stretti intermittenti fix-xhur li ġejjin sakemm niksbu l-immunità permezz tat-tilqim jgħin fil-kontroll ta’ każijiet attivi u jippermetti lis-sistema tal-kura tas-saħħa tagħna tlaħħaq mal-ammont ta’ xogħol tagħhom,” huwa qal fuq Facebook.
F’kummenti lil Times of Malta, l-Organizzazzjoni Dinjija tas-Saħħa qasmet l-opinjoni tagħha dwar ittestjar rapidu għall-gżejjer. “Jekk pajjiż ikollu kapaċità addizzjonali u jixtieq imexxi inizjattiva ta’ ttestjar akbar, allura huwa importanti li din tiġi kkomunikata sewwa sabiex in-nies jifhmu dak li qed jintalbu jagħmlu.”
“Filwaqt li l-politiki tal-ittestjar ivarjaw minn pajjiż għal ieħor, ħafna issa qed jagħmlu sforzi kbar biex iżidu l-kapaċità tagħhom hekk kif jidher ċar li l-mod biex tikkontrolla l-epidemija u ssalva l-ħajjiet huwa li tuża taħlita ta’ swabbing, traċċar ta’ kuntatti, trattament u iżolament ta’ dawk li ma jifilħux u jużaw distanzi fiżiċi flimkien ma ‘iġjene respiratorja u ta’ l-idejn,” qal il-kelliem tal-Għaqda Dinjija tas-Saħħa.
