Il-paġna The Malta Records kitbet dwar kollezzjonist Malti ta’ 13-il sena li għandu mat-82 statwa tal-qaddisin.
“The Malta Records ilbieraħ filgħaxija ġejna mistiedna f’residenza fil-qalba tan-naħa ta’ San Ġorġ ġewwa Ħal Qormi sabiex nivverifikaw u ngħoddu kollezzjoni interessanti marbuta mal-qaddisin. L-iżgħar kollezzjonist ta’ statwi tal-qaddisin fil-gżejjer Maltin.”
Il-paġna tkompli, “Thiago Zian Mallia ta’ 13-il sena u 10 xhur għandu kollezzjoni ta’ 82 statwa ta’ bosta qaddisin, bl-iżgħar statwa tkejjel 6 ċentimetri u l-ikbar waħda tkejjel 80 ċentimetru. Thiago Zian huwa ġuvnott grazzjuż li tista’ tgħid minn meta twieled kellu għal qalbu l-istatwi tal-qaddisin.”
Thiago għandu għal qalbu bla dubju l-istatwi ta’ San Ġorġ, hekk kif għandu madwar 20 waħda.
