Wara sentejn ta’ ħidma, Lawrence Gray ħabbar li l-ħanut tiegħu, Gray Suits f’Ħal Lija, għalaq uffiċjalment il-bibien tiegħu, u b’hekk jagħlaq kapitlu importanti fil-karriera tiegħu.
F’messaġġ indirizzat lill-klijenti tiegħu, Gray esprima kemm kien grat lejn kull min appoġġjah tul dan il-vjaġġ. Hu qal li dan iż-żmien kien wieħed speċjali ħafna għalih, fejn kellu l-opportunità jibni relazzjonijiet ma’ diversi klijenti u joffri servizz li fih jemmen.
“Wara sentejn mill-isbaħ, Gray by Lawrence Gray għalaq uffiċjalment il-bibien tiegħu. Kien unur u privileġġ li naqdi lil kull wieħed u waħda minnkom,” kiteb Gray.
Hu kompla jirringrazzja lill-klijenti tiegħu għall-fiduċja u l-lealtà tagħhom, u żied jgħid: “Il-fiduċja, it-twemmin u l-appoġġ tagħkom fissru kollox għalija, u jiena tassew grat għal dak kollu li urejtuni matul dan il-vjaġġ.”
Minkejja li dan il-kapitlu issa ngħalaq, Gray ħares ’il quddiem lejn il-futur b’ottimiżmu, u esprima x-xewqa li jerġa’ jiltaqa’ mal-klijenti tiegħu: “Hekk kif kapitlu jagħlaq, inħares ’il quddiem għal opportunitajiet ġodda u nittama li t-toroq tagħna jerġgħu jiltaqgħu fil-futur.”
Il-messaġġ tiegħu ġie milqugħ b’ħafna kummenti ta’ appoġġ u ringrazzjamenti minn klijenti li apprezzaw ix-xogħol u d-dedikazzjoni tiegħu tul is-snin
Facebook / Gray Lawrence
