Aktar kmieni llum, il-preżentatur u Sindku tal-Belt Alfred Zammit ħabbar it-telfa ta’ ħabib antik tiegħu, Charles Pace, li ħalliena lbieraħ filgħaxija. Bint il-mibki Charles, Sandra Mallia, ukoll ħalliet il-kumment tagħha fuq il-profil tagħha.
“Għażiż papà illejla tlaqtni. Mort ħdejn oħti Rita, bintek li tant kont tħobb. Ħdejn ħutek u l-ġenituri tiegħek. Għidtlek inħobbok u tlaqtna,” bdiet hi.
Sfortunatament Sandra żvelat li minħabba li tinsab pożittiva għall-Covid-19, ma tistax tattendi l-funeral: “Kelli nkun jien ukoll bil-Covid papà u ma nistax anqas niġi għall-funeral biex intik tislima tal-aħħar. Imma naf li taħfirli għax m’għandix tort.”
“Inħobbok papà u b’qalbi maqsuma ħa jkolli ninfired minn miegħek. Inwiegħduk li nibqgħu nieħdu ħsieb lill-mummy, li tant kont tħobb. Inħobbok wisq pa wisq. Kemm nixtieq nikteb aktar fuqek papà imma qalbi wisq maqsuma.”
Strieħ fis-Sliem għażiż. Aħna minn Gwida.mt nixtiequ ngħaddu l-kondoljanzi tagħna lill-familja, ħbieb u qraba ta’ Charles, kif ukoll lil kull min qed iħoss it-telfa tiegħu.
Facebook/Sandra Mallia
