Ixxerja

Il-personalità Maltija Johan Mifsud stqarr kemm ikun għal qalbu li kieku xi darba jkollu l-opportunità jattendi l-Met Gala. 

Żied ukoll jgħid li kieku dan kien minnu żgur li jkun kburi jirrappreżenta lil Malta. “Xi kultant sabiħ toħlom… u jien tassew kburi li jien Malti ” stqarr Johan. Huwa kompla jgħid li kieku qatt ikun parti minn dan l-avveniment internazzjonali, żgur li jieħu miegħu l-għeruq sbieħ Maltin tiegħu biex juri lid-dinja minn fejn ġej. Dan ġie muri fid-dettall, permezz ta’ ritratt tat-tibdila li ġie maħluq onlajn bl-Ai. 

Il-kliem tiegħu ntlaqa’ b’mod pożittiv minn diversi persuni fuq il-midja soċjali, b’ħafna jfaħħru s-sens ta’ kburija lejn Malta u l-identità Maltija. Il-Met Gala kull sena jiġbed lejh l-akbar ismijiet fid-dinja tal-moda, mużika, films u kultura popolari fejn ħafna drabi ċ-ċelebritajiet jużaw il-ħwejjeġ tagħhom biex jirrappreżentaw storja, kultura kif ukoll messaġġ personali.

Xi ngħidu? Jidher li anke l-akbar avvenimenti internazzjonali jistgħu jqajmu sens qawwi ta’ kburija nazzjonali!

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Ma Jagħmilx Sens Tarmi Xhur Ta’ Xogħol” – Appell Dwar Il-Ħażna Tal-Basal

Eileen Cumbo Salerno Illum

Il-paġna Maltija Mid-Djarju Tat-Timba qasmet kitba ddettaljata dwar wieħed mis-suġġetti li ħafna jistaqsu dwaru f’dan iż-żmien tas-sena: il-basal. Fil-kitba ġie spjegat li meta l-basal “jinkiser” jew jitgħawweġ ma jfissirx li jkun miet jew tħassar, iżda li dan isir prinċipalment sabiex jiġi protett mill-umdità, il-moffa u t-taħsir. Skont il-paġna, kemm ix-xita kif ukoll in-nida’ jistgħu jwasslu biex l-ilma […]