Ixxerja

Min jgħix Malta żgur li fl-aħħar snin innota kemm il-pajjiż inbidel – aktar nies fit-toroq, aktar karozzi, aktar bini u komunità li saret ferm aktar internazzjonali. Issa ċ-ċifri tal-Eurostat juruna kemm fil-fatt kienet kbira din il-bidla.

Bejn l-1 ta’ Jannar 2015 u l-1 ta’ Jannar 2025, il-popolazzjoni ta’ Malta żdiedet bi 30.9% – l-akbar żieda perċentwali fost il-pajjiżi kollha tal-Unjoni Ewropea matul dawn l-għaxar snin.

Fit-tieni post insibu lil-Lussemburgu, b’żieda ta’ 21.1%. Biex nagħmlu ftit paragun, matul l-istess perjodu l-popolazzjoni tal-Unjoni Ewropea kollha kemm hi żdiedet b’1.8%. Skont il-Eurostat, il-migrazzjoni netta kienet il-fattur ewlieni wara ż-żieda fil-popolazzjoni tal-UE.

Malta kompliet tikber. Fl-1 ta’ Jannar 2025, il-popolazzjoni kienet madwar 574,000 persuna, filwaqt li Malta għandha wkoll l-ogħla densità tal-popolazzjoni fl-Unjoni Ewropea.

Naturalment, żieda fil-popolazzjoni tista’ ġġib magħha aktar ħaddiema, konsumaturi u attività ekonomika, iżda fl-istess ħin tqajjem diskussjonijiet dwar it-traffiku, l-infrastruttura, il-bini, l-akkomodazzjoni u l-kwalità tal-ħajja.

X'taħsbu?

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Lifestyle

“Wara Ċerti Forom Ta’ Narċiżiżmu Jista’ Jkun Hemm Sens Ta’ Awtostima Fraġli” – Dr Nicholas Briffa

Emil Calleja Bayliss Illum

Kuntrarju għal dak li wieħed jista’ jaħseb, wara ċerti forom ta’ narċiżiżmu jista’ jkun hemm persuna b’sens ta’ awtostima fraġli jew instabbli. Dwar dan tkellem Dr Nicholas Briffa f’kitba li fiha spjega b’mod sempliċi x’jista’ jkun hemm wara ċerti mġibiet marbuta man-narċiżiżmu. Dr Briffa jispjega li persuna tista’ tiddependi ħafna fuq l-ammirazzjoni u l-validazzjoni ta’ […]