Ixxerja

Il-preżentatriċi u attriċi Clare Agius qasmet messaġġ mill-qalb f’għeluq snin żewġha, Paul Sparling, fejn esprimiet l-imħabba u l-apprezzament tagħha lejh u lejn il-ħajja li bnew flimkien. “Illum huwa għeluq snin ir-raġel tiegħi, Paul Sparling. Miegħek bdejt kapitlu sabiħ f’ħajti li jisboq kull wieħed ieħor!” kitbet Clare.

Hi kompliet billi awguratlu għal ħafna aktar snin ta’ saħħa, daħk u avventuri flimkien, filwaqt li semmiet ukoll lil uliedhom. “Għal ħafna aktar snin ta’ saħħa, daħk u avventuri mas-subien tagħna (u possibbilment mingħajrhom meta jitilqu minn magħna!). Imma int persuna tant sabiħa biex tkun fil-kumpanija tagħha li żgur mhux se jagħmlu hekk,” kitbet b’dik id-daqqa ta’ umoriżmu li spiss naraw fil-kitbiet tagħha.

Clare temmet il-messaġġ tagħha b’dikjarazzjoni ħelwa lil żewġha, “Inħobbok ħafna, għażiż tiegħi, u grazzi talli tissaportini! L-aħħar ritratt jaqbad dan perfettament.” Il-messaġġ kien akkumpanjat minn diversi ritratti li jfakkru mumenti sbieħ mill-ħajja tagħhom flimkien bħala koppja u familja.

Minn Gwida.mt, nawguraw lil Paul l-isbaħ xewqat f’għeluq sninu u ħafna aktar snin ta’ saħħa, kuntentizza u avventuri flimkien ma’ Clare u l-familja tagħhom!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Wisq Kerha L-Aħbar Li Ħallejtna, Għażiża Ommi” – Indri Attard Iħabbar It-Telfa Ta’ Ommu

Emil Calleja Bayliss Illum

Il-preżentatur u artist lokali Indri Attard qasam l-aħbar ta’ niket li tilef lil ommu, f’mument li sar aktar diffiċli għalih minħabba li bħalissa jinsab ’il bogħod minnha.“Wisq kerha l-aħbar li ħallejtna, għażiża ommi, waqt li jien qiegħed daqshekk ’il bogħod. Qas f’mitt sena ma stennejt li din tiġri u m’iniex maġenbek,” kiteb Indri f’messaġġ emozzjonanti. […]