Ixxerja

Il-preżentatur ta’ ONE Radio Daniel Falzon Mallia qasam mument nostalġiku mas-segwaċi tiegħu hekk kif fakkar is-sena 1997, sena li għalih tibqa’ waħda mimlija memorji speċjali.

Fost il-memorji li semma kien hemm il-preċett tiegħu, reċta tal-iskola u wkoll l-ewwel darba li segwa l-Eurovision Song Contest 1997 b’interess kbir. Daniel fakkar kif dik is-sena Debbie Scerri kienet irrappreżentat lil Malta bil-kanzunetta Let Me Fly, prestazzjoni li għadha sal-lum tibqa’ mfakkra minn ħafna dilettanti tal-Eurovision.

Hu rrakkonta kif, minkejja li kien għadu tifel ċkejken, segwa l-festival b’tant ħeġġa u passjoni, interess li jidher li baqa’ miegħu matul is-snin kollha.

Issa, snin wara, Daniel se jkun qed jgħix mill-ġdid dik l-esperjenza flimkien mas-semmiegħa tiegħu fuq ONE Radio, hekk kif ħabbar li llejla għall-ħabta tat-20:30 se jkun qed jiżvela aktar dettalji waqt il-programm tiegħu.

Il-post tiegħu qanqal sentiment ta’ nostalġija fost ħafna segwaċi, speċjalment dawk li wkoll jiftakru s-snin fejn Malta kienet tikseb riżultat pożittivi sena wara sena fil-Eurovision Song Contest.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Il-Ġbir Ta’ Pjanti U Faqqiegħ Selvaġġ Jista’ Jkun Riskjuż Jekk M’Intix Ċert X’Qed Tiġbor.” – Dipartiment…

Kyle Zarb Illum

L-awtoritajiet qed ifakkru lill-pubbliku sabiex joqogħdu attenti waqt il-ġbir ta’ pjanti u faqqiegħ selvaġġ, hekk kif dan jista’ jkun ta’ riskju serju għas-saħħa jekk persuna ma tkunx ċerta x’qed tiġbor jew tikkonsma. Ġie enfasizzat li wieħed qatt m’għandu jiekol pjanti jew faqqiegħ li ma jafx x’inhuma, anke jekk jidhru simili għal speċi li normalment jittieklu. […]