Ixxerja

Is-Segretarju Parlamentari responsabbli mill-Ħarsien tal-Annimali, Alicia Bugeja Said, ħabbret miżura maħsuba biex tkompli tħares is-saħħa u l-benesseri taż-żwiemel matul ix-xhur l-aktar sħan tas-sena.

Permezz ta’ messaġġ fuq il-midja soċjali, Bugeja Said spjegat li minn illum sal-aħħar ta’ Awwissu, iż-żwiemel mhux se jkunu qed iġorru passiġġieri bil-karozzini bejn is-13:00 u l-16:00, jiġifieri matul il-ħinijiet meta s-sħana tkun fl-ogħla livelli tagħha.

"Is-saħħa u l-benesseri ta’ kull annimal jibqgħu prijorità għalina," sostniet is-Segretarju Parlamentari, filwaqt li enfasizzat li din id-deċiżjoni ttieħdet proprju biex jitnaqqas ir-riskju li ż-żwiemel ikunu esposti għal temperaturi għoljin wisq.

Il-miżura se tibqa’ fis-seħħ sal-aħħar ta’ Awwissu u hija parti mill-isforzi kontinwi biex jiġi żgurat li l-annimali li jintużaw għat-trasport turistiku jingħataw il-protezzjoni u l-kundizzjonijiet xierqa, speċjalment matul il-perjodu tas-sajf meta t-temperaturi f’Malta spiss jilħqu livelli għoljin.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Biddlu Sitwazzjoni Stressanti F’Xi Ħaġa Li Se Niftakru Bi Gratitudni.” – Uffiċjali Tal-Pulizija Jirċievu Ringrazzjament

Kyle Zarb Illum

Il-Korp tal-Pulizija ta’ Malta qasam messaġġ ta’ apprezzament li rċieva mingħand membru tal-pubbliku, li rringrazzja żewġ uffiċjali mill-Għassa ta’ Tas-Sliema għall-għajnuna u s-sapport li taw lill-familja tiegħu waqt sitwazzjoni diffiċli.Skont il-messaġġ, il-persuna kienet għadha kemm għaddiet minn esperjenza stressanti wara li missierha, li kien għamel operazzjoni serja fil-kliewi ftit xhur ilu, ma setax isuq distanza […]