Ixxerja

Mument ta’ diqa għall-MP, Miriana Calleja Testaferrata De Noto, hekk kif ħabbret it-telfa tan-nannu tagħha b’messaġġ mill-qalb li juri kemm kienet kbira l-imħabba li kellha lejh.

F’messaġġ emozzjonanti, Miriana qalet, li qalbha tinsab maqsuma u li diġà bdiet tħoss in-nuqqas tiegħu, mhux biss għall-memorji sbieħ li qasmu flimkien, iżda wkoll għall-mumenti li xtaqet li għadhom kellhom jgħixu flimkien.

Għaliha, in-nannu tagħha ma kienx sempliċiment membru tal-familja. Kien l-eroj tagħha, persuna li dejjem ħarset lejha b’ammirazzjoni kbira u li dejjem se tkun kburija li ssejjaħlu “Nannu”.

Fost id-diqa, Miriana sabet ukoll ftit faraġ fil-ħsieb li issa reġa’ ngħaqad ma’ bintha l-waħda u unika – omm Miriana – f’dinja fejn m’hemmx aktar uġigħ u niket.

“Għid lil ommi li nimmissjaha ħafna,” kienet it-talba emozzjonanti tagħha. Aħna wkoll, nixtiequ nagħtu l-kondoljanzi lill-familja kollha.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Lifestyle

“Mingħajr L-Għalliema, Ma Konniex Naslu Fejn Wasalna”: Il-Messaġġ Mill-Qalb Ta’ Byron Camilleri Lill-Għalliema L-Ġodda

Matthea Grech Illum

F’messaġġ sinċier lill-għalliema li se jibdew dan il-vjaġġ il-ġdid, il-Ministru għall-Edukazzjoni Byron Camilleri ma beżax iħares lura lejn iż-żmien tiegħu bħala student u jammetti li lanqas hu ma kien “student perfett”.B’ċerta umiltà, qal li kien hemm drabi fejn lanqas hu ma kien ikun l-aktar wieħed bil-għaqal. Illum, snin wara, jinsab f’pożizzjoni differenti u kellu messaġġ […]