Permezz ta’ kitba fuq il-paġna tagħhom, The Malta Records qasmu mas-segwaċi tagħhom ftit informazzjoni rigward rekord li huwa mistneni jingħata nhar il-Ħadd li ġej.
Huma qalu, “Kif żvelajna matul din il-ġimgħa, nhar il-Ħadd se jkollna rekord nazzjonali ġdid waqt il-marċ ta' filgħodu ta' waħda mill-festi ewlenin li se jiġu ċċelebrati matul din il-ġimgħa. Nhar il-Ħadd, fl-okkażjoni tal-festa ta' San Ġużepp, se nkunu qed inżuru l-marċ ta' filgħodu ġewwa r-raħal pittoresk tal-Imsida sabiex nistabbilixxu rekord nazzjonali ġdid mimli kuluri u allegrija.”
Żiedu, “Nistiednu lill-pubbliku inġenerali sabiex jingħaqad mal-folla Misidjana għal dan il-marċ tant mistenni u r-rekord li se jiġi rrekordjat għall-ħabta tas-14:00. Evviva l-Patrijarka San Ġużepp.”
