Hemm operazzjoni ta’ emerġenza maġġuri għaddejja bħalissa fi Triq Ross, San Ġiljan. Skont l-informazzjoni li waslet sa issa, diversi toroq fl-inħawi ġew magħluqa għall-traffiku, u l-awtoritajiet qed jappellaw biex il-pubbliku jevita ż-żona ta’ Paceville kemm jista’ jkun.
L-operazzjoni qed tinvolvi diversi korpi ta’ emerġenza, fosthom il-Pulizija, id-Dipartiment tal-Protezzjoni Ċivili, u servizzi mediċi ta’ emerġenza. Għalkemm għadu mhux magħruf x’wassal għal din l-emerġenza, l-awtoritajiet ħeġġew lill-pubbliku biex iżomm ruħu ’l bogħod mill-inħawi sabiex jitħallew il-korpi tas-salvataġġ jaħdmu b’mod effiċjenti u bla tfixkil.
In-nies li jgħixu jew jaħdmu fil-viċinanzi qed jintalbu jsegwu l-istruzzjonijiet tal-awtoritajiet u jivverifikaw it-toroq magħluqa qabel jippjanaw il-movimenti tagħhom. Is-sitwazzjoni għadha qed tiżvolġi, u aktar informazzjoni mistennija tiġi kkonfermata fil-ħin li ġej.
Sadanittant, nissuġġerixxu li tibqgħu aġġornati permezz tal-kanali uffiċjali. Agħfas HAWN.
Facebook / Maltese Roads Traffic Updates
