Malta qed tħejji ruħha għal waħda mill-ikbar festi tas-sajf 2026. Is-superstar internazzjonali Pitbull, magħruf bħala Mr. Worldwide, se jtella’ spettaklu live spettakolari fil-Park Nazzjonali Ta’ Qali fit-2 ta’ Awwissu 2026, bħala parti mill-‘I’m Back Tour’ u miegħu se jkun hemm mistieden speċjali li jaf kif joħloq briju mill-aqwa, Lil Jon.
Organizzat minn greatt u NnG Promotions, dan il-kunċert mistenni jkun wieħed mill-aktar avvenimenti memorabbli tas-sena. Pitbull iddomina l-klassifiċi globali b’kanzunetti li saru innijiet ta’ ġenerazzjoni sħiħa, Give Me Everything, Timber, Fireball, Don’t Stop the Party, Rain Over Me u Time of Our Lives, u issa dawn kollha se jinstemgħu live f’Malta.
Il-wirjiet tiegħu huma magħrufa għall-enerġija bla waqfien, produzzjoni fuq skala kbira u interazzjoni kontinwa mal-udjenza. Appoġġjat mill-band live tiegħu The Agents u ż-żeffiena The Most Bad Ones, Pitbull iwiegħed festa kontinwa mimlija viżwali impressjonanti, effetti pirotekniċi u atmosfera li ma tieqaf qatt.
Meta fuq l-istess palk ikollok lil Lil Jon, il-vuċi wara Turn Down for What u Get Low, tista’ tkun ċert li l-intensità se tkun mill-bidu sat-tmiem.
L-aktar tour riċenti ta’ Pitbull mhux biss mela arenas madwar l-Ewropa, iżda ħoloq ukoll fenomenu virali fuq is-social media, b’eluf ta’ partitarji jilbsu ‘bald caps’ u jsejħu lilhom infushom “The Bald E’s” bħala ġieħ għall-istil ikoniku tiegħu. Fit-2 ta’ Awwissu, din l-enerġija globali mistennija tinħass ukoll f’Ta’ Qali.
Dan mhux biss kunċert. Din hija ċelebrazzjoni sħiħa ta’ mużika, enerġija u divertiment fuq livell internazzjonali.
Il-prezzijiet tal-biljetti huma kif ġej:
- General Standing: €60
- VIP Standing: €100
- General Seated: €150
- VIP Seated: €200
- Accessibility: €60 (validu għad-detentur u helper)
Ir-reġistrazzjoni ta’ interess tiftaħ it-Tlieta, 17 ta’ Frar fil-11:00 u tagħlaq il-Ħamis, 19 ta’ Frar fil-11:00 fuq www.eventworks.mt/pitbull. Dawk irreġistrati jkollhom aċċess bikri għall-biljetti nhar il-Ġimgħa, 20 ta’ Frar fid-09:00. Il-bejgħ ġenerali jibda nhar il-Ġimgħa, 20 ta’ Frar fil-11:00.
Instagram / Pitbull
