Ixxerja

L-azzjonijiet ta’ Miriana Conte barra mill-palk qed jiġbdu l-ammirazzjoni ta’ ħafna, hekk kif Ackerley Pace qasam messaġġ emozzjonanti dwar il-ġest sabiħ li għamlet il-kantanta.

Pace kiteb li ħafna jistgħu jiġġudikaw lil Miriana minn dak li jaraw waqt il-wirjiet mużikali tagħha, iżda sostna li qatt m’għandhom jiġġudikaw ruħha jew il-qalb tagħha. Skontu, għall-ħabta tat-3.00 ta’ filgħodu, Miriana waqfet biex issalva qattusa ċkejkna li kienet f’diffikultà, minflok għaddiet minn ħdejha u ħallietha hemm.

Huwa żied li l-impenn tagħha ma waqafx hemm. Il-ġimgħa li għaddiet ħadet il-qattusa għand il-veterinarju u ġimgħa wara reġgħet ħaditha għal check-up ieħor biex tiżgura ruħha li kienet f’saħħitha u qed tieħu l-kura meħtieġa.

Fi tmiem il-messaġġ tiegħu, Pace faħħar lil Miriana għall-ġest tagħha filwaqt li kiteb: "Prosit, Miriana Conte. Qalb tajba qatt ma tinbidel."

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Xahrejn Ilu Fittixt U Sibt Lilha” – Christa Cilia Rigward Il-Kelba Maħbuba Pina

Eileen Cumbo Salerno Illum

“Għaddew xahrejn minn mindu sibt lil Pina,” bdiet il-messaġġ tagħha Christa Cilia. “Stennejt sakemm bdiet tafdani. Illum qiegħda d-dar tirċievi l-imħabba li tistħoqq,” kompliet tgħid.B’dan il-messaġġ emozzjonanti, Christa Cilia qasmet l-istorja sabiħa tal-kelba li serqet il-qlub ta’ bosta segwaċi fuq il-midja soċjali. Cilia tistqarr  li wara ġimgħat ta’ tfittxija u paċenzja, Pina fl-aħħar sabet post sigur fejn […]