Ixxerja

Roger Taylor, tal-grupp Duran Duran, irtira mill-band wara li ġie djanjostikat bit-tinnitus. Taylor kien membru ewlieni tal-grupp Ingliż; huwa ngħaqad magħhom fl-1979 u ħa sehem f’uħud mill-aktar diski bikrin importanti tagħhom, fosthom l-album bl-istess isem tal-grupp (1981), l-album ta’ wara ‘Rio’ (1982), u ‘Seven And The Ragged Tiger’ (1983). Huwa ħalla l-grupp fl-1985, iżda reġa’ ngħaqad magħhom fl-2001 meta l-membri oriġinali reġgħu ltaqgħu flimkien.

Fi stqarrija, Taylor iddeskriva t-tluq tiegħu mill-band bħala "waħda mill-aktar deċiżjonijiet diffiċli li qatt kelli nieħu", u żied jgħid li d-daqq tad-drums mal-grupp "kien l-akbar ferħ ta’ ħajti".

Hu kompla jgħid: "Qatt mhu se nkun nista’ nirringrazzja biżżejjed lill-fans għall-imħabba li wrewna matul is-snin. Iżda l-verità hi li t-tinnitus tiegħi qed imur għall-agħar dejjem aktar, u wasalt fi stadju fejn issa rrid nagħti kas ġismi u dak li jgħiduli t-tobba tiegħi."

Ixxerja

Miktub Minn

Bernard Xuereb

Apparti l-interess kbir għall-ikel u tisjir vegan, Bernard iħobb ħafna l-qari. Għalkemm il-lingwa Maltija tibqa’ fl-ewwel post, iħobb jitgħallem lingwi ġodda bħal Ġappuniż. Jaffaxxina ruħu bil-kulturi u l-istorja, u għandu mħabba kbira lejn l-ambjent u l-annimali.

Artikli Ricenti

“Il-Knisja Oriġinali Nqerdet Għal Kollox Fl-10 Ta’ April 1942 Waqt Attakk Mill-Ajru Fil-Gwerra” – Kappa Vision

Charlton Cefai Ilbieraħ

Hekk kif jagħmlu ta’ sikwit, Kappa Vision qasmu mas-segwaċi tagħhom ftit informazzjoni interessanti, din id-darba rigward il-knisja parrokjali tal-Kalkara.Qalu, “Il-koppla tal-knisja parrokkjali tal-Kalkara tlestiet biss fl-1962, għaxar snin wara li l-knisja nfetħet għall-pubbliku. Din il-knisja hija kapulavur ta’ skultura fil-ġebla Maltija. Ġiet iddisinjata minn Vincenzo Bonello, bl-għajnuna tal-inġinier Ġużè D’Amato. Ir-residenti kollha tal-Kalkara taw sehemhom […]