Ixxerja

Samantha Pace Gasan għadha kif ġiet maħtura bħala Kummissarju għall-Persuni b’Diżabilità wara konsultazzjoni bejn il-Prim Ministru Robert Abela u l-Ministru għall-Inklużjoni Julia Farrugia Portelli.

Hija ħa tkun qed tassumi din il-kariga wara li l-predeċessur tagħha, Oliver Scicluna ġie magħżul bħala Membru Parlamentari aktar kmieni din il-ġimgħa.

Ritratt: DOI

Samantha Pace Gasan kienet membru tal-Kunsill Nazzjonali taż-Żgħażagħ fejn ħadmet u ppreżentat rapport dwar is-saħħa sesswali li rrakkomanda li l-età legali taż-żwieġ titla’ minn 16 għal 18.

Hija kienet membru attiv tal-Malta Girl Guides. Pace Gasan waqqfet in-Netwerk ta’ Mexxejja Żgħażagħ Nisa bil-għan li tara nisa żgħażagħ minn kull qasam tal-ħajja jikbru f’mexxejja soċjali.

Wara operazzjoni ta’ emerġenza tal-qalb u aortika, Pace Gasan skopriet li tbati bil-Marfan Syndrome, kundizzjoni li taffettwa primarjament it-tessut konnettiv fil-ġisem. Fl-2020, Pace Gasan kellha bżonn intervent mediku ieħor fejn sfortunatament esperjenzat puplesija waqt l-operazzjoni li wasslet għal telf tal-vista tal-għajn tal-lemin.

“Bil-ħatra ta’ Samantha Pace Gasan, il-gvern qed jibgħat messaġġ qawwi li Malta tħares lejn id-diżabilità bħala spettru wiesa’,” qalet l-istqarrija tal-gvern.

Facebook / Samantha Pace Gasan

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

“Il-Bżulija U L-Impenn Huma L-Fatturi Ewlenin Tal-Ħidma Tagħna Bħala Poplu” – James Aaron Ellul

Charlton Cefai Ilbieraħ

Permezz ta’ kitba fuq il-paġna tiegħu, l-preżentatur James Aaron Ellul qasam messaġġ tal-okkażjoni proprju f’Jum il-Ħaddiem.Hu qal, “Il-bżulija u l-impenn. Kburi tal-valuri li welled missieri fija. Il-ħanut tal-fajjenza ta’ “Ellul tal-Furjana”, fost il-ħafna tifkiriet, din hija t-tifsira li ntih.”Żied, “Il-bżulija u l-impenn ta’ ommi, li qatt ma tħallset, imma l-ħidma tagħha kienet sfieqa mhux ftit […]