Jekk int persuna li biex tirrilassa ma tkun trid xejn ikkumplikat u faċli biex isegwi, mela żgur li serje ħelwa li tnissillek tbissima żgur li tinżillek għasel. Hemm ħafna x’tista’ tara, u kultant tispiċċa tagħmel tant ħin tipprova ssib xi ħaġa addatta għalik li taqta’ qalbek u ma tara xejn! Allura iddeċidejna li nagħmlulkom ħajjitkom naqa aktar faċli u nagħtukhom ftit suġġerimenti.
1. Friends (10 Staġuni)
View this post on Instagram
Is-serje popolari Friends, l-istorja ta’ sitt iħbieb u l-ħajja tagħhom żgur li m’għandha bżonn tal-ebda introduzzjoni. Tul l-għaxar snin il-ħbieb għaddew minn diversi sitwazzjoniet ta’ imħabba, ġlied, daħk, biki u wkoll sorpriżi. Flimkien jitgħallmu l-valur li tkun ħabib ta’ veru.
2. The Good Place (2 Staġuni)
View this post on Instagram
Kummiedja ħelwa li ssegwi lil protagonista fil-ħajja ta’ wara l-mewt. Hi tispiċċa f’dak li hu magħruf ‘The Good Place’ għax jgħidulha li għexet ħajja tajba, eżemplari u altruwistika. Imma hi taf li dan mhux minnu għax kienet għexet ħajja literalment opposta u jidher ċar li l-arkitett ta’ dal-post ħa żball.
3. Atypical (2 Staġuni)
View this post on Instagram
Is-sensiela issegwi l-karattru prinċipali li jinsab fuq l-ispettru tal-awtiżmu li jiddeċiedi li jrid jibda joħroġ mat-tfajliet u jkun aktar indipendenti. Il-familja tiegħu jridu jadattaw għal din il-bidla u l-bidliet kollha f’ħajjithom ukoll. Grazzi għal dan kollu jinħolqu episodji realistiċi u tad-daħk, fejn wieħed jistaqsi x’inhu normali.
4. Grace & Frankie (5 Staġuni)
View this post on Instagram
Storja ta’ żewġ karattri irtirati; Grace li kellha kumpanija tagħha tal-kosmetika u Frankie, hippie li tgħallem l-arti. It-tnejn li huma miżżewġin lil żewġ avukati, li jħabbru li ħa jitilqu n-nisa tagħhom għax iħobbu lil xulxin. In-nisa qatt ma qablu ma’ xulxin però b’xi mod iridu jgħixu flimkien.
5. Santa Clarita Diet (3 Staġuni)
View this post on Instagram
Koppja li jaħdmu bħala bejjiegħa tal-propjetà jaffaċjaw diversi ostakli hekk kif il-mara titrasforma ruħha f’zombie. Fl-isfond ta’ dan kollu, waqt li r-raġel u l-familja qed jgħinuha irridu jkomplu mal-ġirien b’mod mill-aktar normali u jaraw kif ħa jsolvu dal-misteru.
6. Alexa & Katie (2 Staġuni)
View this post on Instagram
Żewġt iħbieb kbar li jinsabu anzjużi li jibdew l-iskola l-ġdida jsibu ruħhom fi kriżi hekk kif waħda minnhom tiskopri li għandha kanċer. Huma jħossuhom barranin fl-iskola l-ġdida u jaraw x’jistgħu jagħmlu sabiex jintegraw mal-oħrajn waqt li jaffaċjaw l-isfidi tal-adoloxxenza.
7. Crazy Ex-Girlfriend (4 Staġuni)
View this post on Instagram
Sensiela li ssewgi lil protagonisti li hija avukatessa li tiġi offruta opportunità unika biex tkun partner fil-kumpanija li taħdem fiha però dal-fatt ibeżżagħha u kif tiltaqa’ mal-eks għarus tagħha li jkun ħa jmur lura lejn il-post li trabba’ fih. Hi tiddeċiedi li tmur warajh ħa tibda ħajja ġdida ’l bogħod minn ħafna ġenn.
8. Bojack Horseman (5 Staġuni)
View this post on Instagram
Sensiela animata li għalkemm fl-epidosji tal-bidu taf iddejaq lil dak li jkun minħabba ċajt kemmxejn vojt, aktar ma jgħaddu l-episodji s-sitwazzjonijiet isiru aktar reali u kemmxejn dipressanti . Hu propju f’dal-mumenti li l-element komiku jieħu l-ħajja u jikkuntrasta ferm ma’ dak li jkun għaddej.
Facebook / FRIENDS (TV Show)
