Permezz ta’ kitba fuq il-paġna tagħha, l-Membru Parlamentari Ramona Attard qasmet messaġġ importanti hekk kif riċentament sfat vittma wara li persuni daħlu duq WhatsApp tagħha u talbu xi flun lin-nies.
Hi qalet, “Twissija importanti: Sfajt vittma ta’ persuni li aċċessaw illegalment il-WhatsApp tiegħi u, b’mod falz, ikkuntattjaw lill-kuntatti tiegħi biex jitolbuhom il-flus f’ismi. Dan huwa tip ta’ frodi magħruf bħala social engineering, fejn il-kriminali jużaw il-fiduċja tan-nies biex iqarrqu bihom u jiksbu flus jew informazzjoni personali.”
Żiedet, “F’dan il-video nispjega x’ġara, x’inhu s-social engineering u kif nistgħu nipproteġu lilna nfusna minn dawn l-iscams. Qed naqsam din l-esperjenza biex inqajjem aktar għarfien u biex inħeġġeġ lil kulħadd joqgħod attent sabiex ma jispiċċax vittma bħal ma ġara lili. Jekk tirċievu talba għall-flus jew messaġġ suspettuż, anke jekk jidher li ġej minn persuna li tafu, dejjem ivverifikaw permezz ta’ telefonata jew mezz ieħor qabel tieħdu xi azzjoni.”
