Tħabbret l-aħbar tal-mewt tal-Kan. Charles Grech, tal-Kolleġġjata ta’ Santa Liena f’Birkirkara, li għal xi żmien kien ukoll parti mill-komunità ta’ Santa Venera. Kienet il-Parroċċa ta’ Santa Venera li wasslet l-aħbar permezz ta’ messaġġ fuq il-midja soċjali, fejn talbet lill-pubbliku biex iżomm lill-Kan. Grech fit-talb tiegħu.
"Nitolbu għall-Kan. Charles Grech tal-Kolleġġjata ta’ Santa Liena ta’ Birkirkara, li kien joqgħod fil-Parroċċa ta’ Santa Venera u li għex u serva għal xi snin fil-Kunvent tagħna ta’ Santa Venera, li mar jiltaqa’ mal-Mulej," kitbet il-parroċċa. Permezz tal-messaġġ tagħha, il-Parroċċa ta’ Santa Venera fakkret ir-rabta li l-Kan. Charles Grech kellu mal-komunità, fejn għex u ta s-servizz tiegħu għal numru ta’ snin.
Il-messaġġ intemm b’talba għal ruħu, "Agħtih, o Mulej, il-mistrieħ ta’ dejjem." Aħna minn Gwida.mt ngħaddu l-kondoljanzi tagħna lill-familjari tiegħu u lil dawk kollha li kienu jafuh. Jistrieħ fis-sliem.
Facebook / Paroċċa Santa Venera
