It-temp tal-Ġimgħa l-Kbira huwa t-tip ta’ temp tradizzjonalment użat biex jiddeskrivi s-sema griża li spiss tikkaratterizza l-Ġimgħa l-Kbira – imma din il-ġimgħa Malta kellha dak it-tip ta’ temp il-ġimgħa kollha s’issa! Fortunatament, illum rajna titjib bir-riħ qawwi jikkalma u l-umdità ta’ lbieraħ naqset sew, u suppost jibqa’ hekk tul tmiem il-ġimgħa!
Għalkemm għadu pjuttost imsaħħab illum, għada l-Ġimgħa għandna naraw ftit iktar xemx u nistennew aktar sħana, b’sensazzjoni reali ta’ 23 grad. Il-Ħadd tal-Għid se jkun saħansitra iktar sħun, b’sensazzjoni reali ta’ 25°C! Il-lejl, però, se jibqa’ frisk, b’temperatura li tinżel sa 11°C il-Ġimgħa – għalhekk ilbes xi ħaġa li żżommok sħuna jekk toħroġ tard.
Jekk qed tippjana xi ħin barra matul tmiem il-ġimgħa, kun żgur li tixroba u tuża l-krema tax-xemx, għax l-indici tal-UV f’Malta diġà laħqu it-8, li jfisser li hemm riskju għoli ħafna ta’ ħsara mix-xemx jekk ma tipproteġix lilek innifsek.
Sfortunatament, it-temp sabiħ mhux se jdum. It-Tnejn mistenni jġib miegħu ċans ta’ xita tal-ħamrija li tħalli saff ta’ trab fuq kulma tmiss, flimkien ma’ rjieħ qawwija li jistgħu jilħqu sa forza 7 hekk kif jgħaddi l-jum – ippjana minn qabel jekk taħseb li se tivvjaġġa fuq il-baħar dakinhar!
Se toħroġ tgawdi t-temp dan il-weekend?
Facebook / Maltese Islands Weather
