Ixxerja

The Morning Vibe fuq Vibe FM laħaq tragward ieħor importanti hekk kif iċċelebra l-200 programm tiegħu, filwaqt li ħabbar bidla ġdida fit-tim tal-preżentaturi. Il-produttur tal-programm, Jais, issa ngħaqdet uffiċjalment mal-preżentaturi Nate, Nicole u Kurt quddiem il-mikrofonu.

Jais ilha parti mit-tim ta' The Morning Vibe minn Jannar, fejn kellha rwol ewlieni wara l-kwinti fil-produzzjoni u l-iżvilupp tal-kontenut tal-programm. Wara diversi xhur bħala produttur, issa se tkun qed iġġib magħha l-esperjenza, il-personalità u perspettiva ġdida bħala waħda mill-uċuħ tal-programm.

Matul dawn l-200 programm, The Morning Vibe sar parti mir-rutina ta' kuljum ta' eluf ta' semmiegħa madwar Malta u Għawdex, grazzi għall-enerġija u l-kimika bejn il-preżentaturi li jagħmlu l-bidu tal-ġurnata aktar pjaċevoli. Fi stqarrija, Vibe FM qalu li dan it-tragward huwa mument ta' sodisfazzjon kbir, iżda wkoll opportunità biex il-programm ikompli jevolvi.

"Li niċċelebraw 200 programm hija kisba li tassew ninsabu kburin biha, iżda fl-istess ħin ħassejna li dan kien il-mument ideali biex inkomplu niżviluppaw il-programm. Jais ilha parti importanti mit-tim sa minn Jannar u kellha rwol kruċjali wara l-kwinti. Li ngħadduha quddiem il-mikrofonu kien pass naturali, għax b'Nate, Nicole, Kurt u Jais kompla jissaħħaħ il-programm," qalu Vibe FM.

B'dan it-tim imġedded, The Morning Vibe qed jidħol f'kapitlu ġdid b'aktar ideat friski, personalità u impenn biex ikompli jikber flimkien mal-udjenza tiegħu, filwaqt li jżomm l-elementi li għamluh popolari fost is-semmiegħa.

The Morning Vibe, ippreżentat minn Nate, Nicole, Kurt u Jais, jixxandar matul il-ġimgħa mis-6:00 sal-10:00 fuq Vibe FM, DAB+, Vibe.mt u permezz ta' smart speakers.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

Kapitlu Tlettax Iniedu L-Kanzunetta Qalb Ta’ Ljun – Kanzunetta Ispirata Mill-Kuraġġ Ta’ Miguel!

Emil Calleja Bayliss Illum

Kapitlu Tlettax ħarġu t-tieni single tagħhom tal-2026, Qalb ta’ Ljun, kanzunetta b’messaġġ qawwi ta’ tama, kuraġġ u reżiljenza, ispirata mill-esperjenza ta’ Miguel, żagħżugħ li għadda minn battalja diffiċli kontra l-kanċer. Fil-kanzunetta tingħaqad magħhom ukoll il-kantanta Federica Falzon.Il-kanzunetta twassal il-vjaġġ ta’ Miguel, li minkejja l-isfidi u t-tbatija li kellu jiffaċċja, baqa’ jiġġieled b’determinazzjoni kbira. Illum, Miguel […]