Ixxerja

Fil-jiem li għaddew, meta mistoqsi mill-BBC, il-Prim Ministru Ingliż Andy Burnham ma eskludiex il-possibbiltà li jniedi referendum fejn jistaqsi lill-poplu Brittaniku jekk jixtieqx li l-pajjiż jerġa' jissieħeb fl-Unjoni Ewropea.

Filwaqt li rrikonoxxa li bħalissa mhuwiex il-mument addattat sabiex iseħħ dan ir-referendum, il-Prim Ministru Ingliż saħaq dwar il-ħtieġa li pajjiżu jistabilixxi relazzjoni eqreb mal-pajjiżi Ewropej.

Hu tenna dan ftit iżjed minn għaxar snin wara li l-maġġoranza tal-poplu Brittaniku vvotat fir-referendum ta' Ġunju tal-2026 sabiex ir-Renju Unit ma jibqax iżjed parti mill-Unjoni Ewropea, wara 47 sena ta' sħubija.

Kliem il-Prim Ministru Ingliż qanqal diskussjoni madwar id-dinja kollha. Fis-sigħat li għaddew, ġie żvelat ukoll ir-riżultat ta' servej li seħħ riċentament fejn il-pubbliku fir-Renju Unit ġie mistoqsi għall-fehma tiegħu dwar dan is-suġġett.

Skont dan is-servej li ġie żvelat minn The Guardian, il-maġġoranza tal-poplu Brittaniku hija favur li r-Renju Unit jerġa' jissieħeb fl-Unjoni Ewropea; fil-fatt, abbażi ta' tweġibiet mingħand 11,461 ruħ, 49% qalu li huma favur, filwaqt li 28.5% sostnew li huma kontra.

Intom x'taħsbu dwar il-possibbiltà li r-Renju Unit jerġa' jissieħeb fl-Unjoni Ewropea?

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Żewġ Turisti Jagħżlu Li Jqattgħu Parti Mill-Btala Tagħhom F’Pajjiżna Jgħinu Lil Xelter Tal-Annimali

Cristian Tonna Illum

Żewġ turisti – waħda Ġermaniża u l-oħra Żvizzera – għażlu li jqattgħu parti mill-btala tagħhom f’pajjiżna jagħtu l-għajnuna volontarja lil xelter lokali tal-annimali.L-Assoċjazzjoni għall-Annimali Abbandunati spjegat fuq il-midja soċjali kif Nadine u Martina, iż-żewġ turisti, ġew f’pajjiżna bil-ħsieb li jqattgħu ftit jiem ta’ mistrieħ, iżda minflok spiċċaw jgħinu lill-AAA sabiex jittrenjaw il-klieb.Dan hekk kif iż-żewġ […]