Ixxerja

Bis-saħħa tal-attaġjament erojku ta’ erba’ uffiċjali tal-LESA, tarbija ta’ tmien xhur f’Ħal Lija ġiet salvata wara li sabet ruħha msakkra f’karozza fil-qilla tax-xemx.

Fuq il-midja soċjali tagħhom, il-LESA ippubblikaw messaġġ ta’ ringrazzjament li l-omm kitbet li juri x’ġara eżattament fid-dettall.

L-omm tispjega li waqt li kienet qiegħda tgħabbi lil bintha fil-karozza, fid-daqqa u l-ħin, il-bibien issakru awtomatikament, u billi ċ-ċwievet kienu ġewwa hi ma kelliex aċċess sabiex tiftaħ il-karozza.

L-omm tistqarr li dak il-ħin kienet ippanikjata ferm iżda b’xorti tajba sabet erba’ uffiċjali tal-LESA li kienu pronti għenuha sabiex tkisser waħda mit-twieqi tal-karozza ħalli b’hekk hi setgħet terfa’ fi ħdanha lil bintha li fortunatament kienet qawwija u sħiħa.

Prosit lil dawn l-erba’ uffiċjali tal-LESA ta’ dan l-att erojku tagħhom!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

75 Sena Mill-Mewt Ta’ Dr Giuseppe Agius Muscat Li Kien Jagħti Kura B’Xejn Lill-Maltin Fil-Gwerra

Cristian Tonna Illum

Bosta llum matul il-ġurnata fakkru l-memorja tat-tabib Malti Dr Giuseppe Agius Muscat li ħalla din id-dinja proprju 75 sena ilu. Dr Agius Muscat hu meqjus minn ħafna bħala eroj ta’ żmien il-gwerra. Dan hekk kif hu kien jagħti l-kura mingħajr ħlas lil bosta Maltin li ma kienux jaffordjaw iħallsuha minħabba l-faqar u l-karestija li ħakmu […]