Ixxerja

L-Għaqda Nazzjonali Każini tal-Banda sellmet il-memorja ta’ Patri Adrijanu J. Cachia, li miet fil-5 ta’ Novembru fl-età ta’ 80 sena. F’messaġġ fuq il-midja soċjali, l-għaqda fakkret l-impenn tiegħu fil-festi Maltin u r-rabta mill-qrib li kellu mas-soċjetajiet tal-banda.

Skont l-għaqda, Patri Adrijanu mhux biss kien attiv fil-festa liturġika, iżda ta s-sapport kontinwu tiegħu wkoll lill-festi esterni. L-għaqda ddeskrivietu bħala ħabib veru tas-soċjetajiet tal-banda, li kien jagħraf l-importanza tagħhom fil-ħajja u fil-komunitajiet Maltin.

Matul is-snin, Patri Adrijanu kien magħruf ukoll għall-ħidma soċjali tiegħu u għall-irwol tiegħu bħala direttur spiritwali ta’ diversi għaqdiet u każini tal-banda. Wara mewtu, bosta organizzazzjonijiet esprimew l-apprezzament tagħhom għall-kontribut li ta.

L-Għaqda Nazzjonali Każini tal-Banda stiednet lill-membri tagħha sabiex għada jattendu għall-funeral u jakkumpanjaw l-aħħar tislima bl-istandardi bħala sinjal ta’ rispett.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Biscuit Ġie Salvat Mit-Triq U Nstab F’Kundizzjoni Dgħajfa Ħafna – L-AAA Tappella Għall-Għajnuna

Eileen Cumbo Salerno Ilbieraħ

L-AAA wasslet din l-istorja permezz tal-midja soċjali bit-tama li twassal messaġġ u fori b’xi mod tmiss il-kuxjenza tal-bniedem. Din hija storja ta’ kelb, kelb li ngħata l-isem Biscuit li prattikalment ġie salvat mit-triq minn koppja.Jingħad li meta l-koppja sabet lil Biscuit mal-ewwel intebħet bil-kundizzjoni mwiegħra tiegħu u ħaditu għand l-Association for Abandoned Animals (AAA Malta). […]