Ixxerja

L-attivista għall-annimali Maxine Borg kitbet messaġġ ta’ qsim il-qalb fuq il-midja soċjali tagħha għaliex spjegat li tilfu lill-kelba tagħhom Nina.

Kitbet, “20-01-26 – Ġurnata li qatt mhu se ninsew. Lanqas irrid nemmen li qed nikteb dan il-post. Qisu qed ngħixu ġo ħolma kerha. NINA PANINA(TORTA) ħalliet din id-dinja ħabta u sabta. Konna nafu li konna se nadottaw kelba bi problemi. Ħadnieha għand l-aqwa vets ta’ Malta u kollha qalulna l-istess: gawduha kemm tifilħu. U hekk għamilna. Imma qatt ma bsarna li wara 4 snin biss, kienet se titlaq. Kienet għadha kemm għalqet 4 snin… 24 ta’ Diċembru. Mur għidilna li dak kellu jkun l-aħħar birthday tagħha.”

Żiedet tgħid, “Nina ma kinitx biss kelba għalina, imma wkoll ħabiba. Kienet taf meta nkunu mdejqin, u meta t-tifla kien ikollha episodju ta’ epilessija, ma kienet tiċċaqlaqx minn ħdejha. U mela ma kinitx enerġetika? Kif le! Daħlet fid-dar tagħna qisha bomba. Imma ħabbejnieha kif inhi u drajna. Fl-aħħar kulħadd kellu jidraha, għax il-karattru tagħha kien wisq ħelu.”

Qalet ukoll, “Skużawna li bħalissa mhux qed inwieġbu l-messaġġi u t-telefonati, imma bħalissa qisna qed ngħixu ġo ħolma kerha.”

Ixxerja

Miktub Minn

Gabriella Borg

Studenta tal-liġi, tħobb ferm il-lingwi, speċjalment il-lingwa Maltija. Il-kitba minn dejjem kienet passjoni tagħha u tħobb ukoll iddoqq il-pjanu fil-ħin liberu tagħha. Għandha post speċjali f'qalbha għall-annimali.

Issa

“Ma Ninsewk Qatt, Pa. Hemm Magħna F’Kull Ħin U Kull Mument.” – Dr. Alex Borg Bi Żjara Speċjali

Kyle Zarb Illum

Il-Kap tal-Oppożizzjoni Dr. Alex Borg qasam ritratt mimli emozzjonijiet minn ġewwa ċ-ċimiterju, hekk kif flimkien ma’ ommu u ħuh, għamlu żjara fuq il-qabar tal-għażiż missieru. Missieru, li ċertament iħoss l-appoġġ tiegħu. “Minkejja t-taħbit u l-ġiri, sibna ftit ħin nagħmlu żjara lil missieri flimkien. Sabiex inkunu ta’ sostenn għal xulxin għall-jiem li fadal. Ma ninsewk qatt, […]