Ixxerja

In-Nadur jinsab f’luttu wara l-aħbar tal-mewt ta’ Pietru magħruf bħala “tar-Rabokk”, persuna magħrufa u maħbuba minn ħafna fil-lokalità Għawdxija. Kien Beppe Galea li wassal il-messaġġ emozzjonanti fuq il-midja soċjali, fejn sellem il-memorja ta’ Pietru u ddeskrivieh bħala raġel “b’qalb kbira, dejjem bi tbissima u kelma tajba għal kulħadd.”

Galea qal li Pietru kien parti integrali mill-ħajja ta’ kuljum fin-Nadur, tant li diffiċli timmaġina l-Pjazza mingħajru. “Ma tistax tkun il-Pjazza tan-Nadur u ma tarax lil Pietru. Parti mill-ħajja ta’ kuljum, wiċċ familjari u persuna li kulħadd kellu rispett lejha,” kiteb Galea.

Huwa żied jgħid li bil-mewt tiegħu, in-Nadur tilef “wieħed minn tiegħu”, kliem li juri kemm Pietru kien persuna rispettata u apprezzata fil-komunità. Diversi persuni wkoll sellmu l-memorja tiegħu fuq il-midja soċjali, fejn fakkruh bħala bniedem umli, ferrieħi u dejjem lest biex jgħin lil ħaddieħor.

“Strieħ fis-sliem, Pietru,” temm jgħid Galea fil-messaġġ tiegħu.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Dr Klown B’Avveniment Speċjali Biex Ifakkru Lit-Tfal Li Ħallewna

Emil Calleja Bayliss Illum

L-NGO lokali Dr Klown se torganizza avveniment speċjali fl-1 ta’ Ġunju biex tfakkar lit-tfal li tilfu ħajjithom minħabba l-mard, filwaqt li tagħti ġieħ ukoll lis-saħħa u r-reżiljenza tal-familji tagħhom. Dan l-avveniment, li se jsir kull sena ġewwa l-Isptar Mater Dei, għandu l-għan li joħloq spazju ta’ tifkira u rispett għall-familji, il-ħaddiema tal-isptar, il-voluntiera ta’ Dr […]