Ixxerja

Fil-11 ta’ Frar, id-dinja kollha tfakkar il-Jum Internazzjonali tan-Nisa u l-Bniet fix-Xjenza, ġurnata li tagħti ġieħ lill-kontribut siewi tan-nisa fil-qasam xjentifiku u tħeġġeġ aktar bniet isegwu triq mimlija kurżità, għarfien u skoperta.

F’okkażjoni speċjali, l-Eks Membru Parlamentari Claudette Abela Baldacchino qasmet mument sabiħ u sinifikanti li jfakkar kif ix-xjenza mhijiex biss dwar il-moħħ iżda wkoll dwar id-determinazzjoni, il-kuraġġ u l-ispirazzjoni. Flimkien ma’ messaġġ ċkejken, jidher ukoll ritratt ta’ Claudette ma’ bintha u ma’ Dr Lydia Abela. Minkejja li t-tifla qed tirkupra minn ksur fl-ispalla, xorta waħda baqgħet b’saħħitha u pożittiva mument li jissimbolizza reżiljenza u tama.

Din il-ġurnata tfakkarna kemm hu importanti li nkomplu nħeġġu u nappoġġjaw lill-bniet biex jemmnu fil-potenzjal tagħhom, jesploraw ix-xjenza u jħarsu ’l quddiem b’kunfidenza. Ix-xjenza tiftaħ bibien kbar  u l-parteċipazzjoni tan-nisa tkompli ssaħħaħ futur aktar innovattiv u inklussiv għal kulħadd.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Possibbiltà Ta’ Xi Ħalbiet Tax-Xita Fis-Sigħat Li Ġejjin

Cristian Tonna Ilbieraħ

Is-sit Aġġornament tat-Temp għadu kif ħabbar li maġenb il-gżejjer Maltin qed jiffurma xi sħab li jista’ jagħti lok għal xi ħalbiet tax-xita fis-sigħat li ġejjin. Intant, il-bassara tat-temp qed jantiċipaw li l-jiem li ġejjin se jġibu magħhom taħlita ta’ sħana u xita hekk kif ftit ġimgħat ilu f’pajjiżna bdiet ir-rebbiegħa. Skont is-sit It-Temp Madwarna, għall-bqija […]