Il-preżentatur lokali Twanny Scerri qasam messaġġ mimli emozzjoni u tifkiriet sbieħ hekk kif illum ifakkar anniversarju speċjali ħafna fil-familja tiegħu.
Fuq il-midja soċjali, Twanny fakkar kif proprju bħal-lum 37 sena ilu kien “l-aktar raġel ferħan” meta twieldet bintu Cinzia. Huwa ddeskriva dak il-mument bħala wieħed mill-aktar mumenti importanti f’ħajtu, li baqa’ mnaqqax f’qalbu sa llum.
Fil-messaġġ tiegħu, Twanny bagħat awgurju mill-qalb lil Cinzia, flimkien ma’ martu Marianne, u esprima kemm huma kburin biha. Illum, Cinzia Casha qed tiċċelebra dan il-jum speċjali flimkien mas-sieħeb tagħha Clayton u t-tfal tagħhom Katrina u Jake, li għal Twanny u Marianne huma neputijiet għeżież ħafna.
It-tifkiriet ma waqfux hemmhekk, hekk kif Twanny rrefera wkoll għal żmien meta kien jaħdem ma’ Xandir Malta. Huwa ftakar b’mod partikulari kif dak iż-żmien, l-announcers u l-istaff tal-istazzjon imlew is-sala bil-fjuri biex jiċċelebraw it-twelid ta’ Cinzia, ġest sabiħ li juri kemm kien hemm spirtu ta’ familja bejn il-kollegi.
Dan il-messaġġ mhux biss ifakkar ġurnata speċjali, iżda wkoll juri l-importanza tal-familja, tal-imħabba u tal-memorji li jibqgħu magħna għal dejjem. Awguri lil Cinzia f’dan il-jum sabiħ!
Facebook / Twanny Scerri
