Ixxerja

AIDAN qed ikompli jsaħħaħ il-preżenza tiegħu fix-xena mużikali internazzjonali. Permezz ta’ messaġġ li qasam mas-segwaċi tiegħu fuq il-midja soċjali, il-kantant żvela li l-album il-ġdid tiegħu laħaq il-post numru tlieta fuq il-klassifika ta’ iTunes f’Ċipru.

B’entużjażmu kbir, AIDAN irringrazzja lill-segwaċi tiegħu għall-appoġġ kontinwu tagħhom u stieden lil dawk interessati biex jirreġistraw għal aċċess bikri għall-biljetti tal-ispettaklu li jmiss tiegħu. Aktar tard, il-kantant ħabbar ukoll li “THE SHOW” se jkun qed jirritorna. Huwa spjega li dan se jkun l-uniku kunċert sħiħ tiegħu f’Malta matul l-2026, serata li se tinkludi suċċessi popolari bħal “Cowboys Don’t Cry”, flimkien ma’ produzzjoni kompletament ġdida.

Il-biljetti għall-ispettaklu mistennija joħorġu għall-bejgħ dalwaqt, filwaqt li l-partitarji diġà jinsabu ħerqana għal dak li jidher li se jkun wieħed mill-aktar avvenimenti mużikali mistennija tas-sena. Prosit lil AIDAN għal dan is-suċċess internazzjonali u nawgurawlu kull ġid għall-kunċert li ġej.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Bro David Jibda T-Tieni Mandat Tiegħu Bħala Pirjol Fil-Komunità Tal-Patrijiet Ta’ Birkirkara

Eileen Cumbo Salerno Illum

Il-komunità tal-Kunvent ta’ Santa Tereża ħabbret li Bro David beda t-tieni mandat tiegħu bħala Pirjol tal-komunità tal-patrijiet f’Birkirkara. F’messaġġ li xerrdet fuq il-midja soċjali, il-komunità awguratlu għall-ħidma tiegħu u rringrazzjatu għas-servizz li jagħti. Il-messaġġ wassal ukoll riflessjoni dwar il-vokazzjonijiet reliġjużi u saċerdotali. Il-komunità osservat li llum il-ġurnata huma inqas iż-żgħażagħ li jagħżlu din it-triq u […]