Ixxerja

Fil-paġna tiegħu Guilherme’s Journey of Hope, ġie żvelat li  li f’dawn l-aħħar jiem, Guilherme żdiedulu l-aċċessi epilettiċi (seizures) kif ukoll il-mediċini li qed jieħu.

“Is-seizures żdiedu… Il-mediċini żdiedu wkoll,” kiteb Guilherme b’mod sinċier. Huwa spjega wkoll li wara kull seizure iħossu għajjien ħafna u jkollu bżonn jistrieħ. “Wara kull seizure inħossni bla saħħa u rrid norqod,” qal.

Minkejja d-diffikultajiet li qed jaffaċċja, Guilherme żvela li llum kellu appuntament mal-konsulent tiegħu, filwaqt li talab it-talb u s-sapport tas-segwaċi tiegħu. Bosta persuni minnufih bagħtulu messaġġi ta’ kuraġġ u awgurawlu l-aħjar għall-appuntament mediku tiegħu.

Iktar tard wara dan il-messaġġ kiteb, “il-papà qalli li se ngħaddu minn ftit żmien diffiċli…se nbiddlu waħda mill-mediċini. “Imbagħad għannaqni u qalli biex ma ninkwetax għax se jkun ħdejja l-ħin kollu,” temm jgħid.

Min-naħa tagħna, nawguraw lil Guilherme kull ġid u nittamaw li jirċievi l-aħjar kura possibbli! 

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Fil-Brażil, Jiġi Deċiż Li Min Jabbuża Minn Klieb U Qtates Jista’ Jispiċċa L-Ħabs Sa Ħames Snin!

Eileen Cumbo Salerno Illum

Il-Brażil kompla jsaħħaħ il-protezzjoni tal-annimali domestiċi permezz ta’ liġi li timponi pieni ferm aktar ħorox fuq min jinstab ħati li jabbuża minn klieb jew qtates.  Skont il-liġi tagħhom, persuni li jwettqu atti ta’ moħqrija jew vjolenza fuq dawn l-annimali jistgħu jaffaċċjaw bejn sentejn u ħames snin ħabs, multi finanzjarji u anke projbizzjoni milli jżommu annimali […]