Mark Anthony Bartolo qasam messaġġ sinċier u ta’ inkoraġġiment lil dawk kollha li jinsabu fuq l-ispettru tal-awtiżmu, fejn tkellem dwar l-isfidi li ħafna drabi jgħaddu minnhom persuni li jħossuhom differenti jew mhux mifhuma.
Huwa spjega li jaf xi jfisser li tgħix f’dinja fejn kultant kliemek jiġi interpretat ħażin minkejja li l-intenzjonijiet tiegħek ikunu tajbin, kif ukoll id-diffikultajiet biex jinbnew ħbiberiji u relazzjonijiet meta r-regoli soċjali ma jkunux dejjem ovvji.
Bartolo ammetta li l-ħajja mhux dejjem kienet faċli u li għad hemm ġranet ta’ sfida, iżda enfasizza li l-aċċettazzjoni ma tinkisibx billi wieħed dejjem ifittex l-approvazzjoni ta’ ħaddieħor. Minflok, jemmen fl-importanza li wieħed ikompli jikber, jitgħallem u juri l-valur tiegħu permezz tal-azzjonijiet tiegħu.
Huwa fakkar lil dawk li qed jissieltu biex ma jaqtgħux qalbhom, għax li tkun differenti ma jfissirx li għandek inqas x’toffri. Kull pass ’il quddiem huwa parti minn vjaġġ ta’ tkabbir u suċċess.
Facebook/Mark Anthony Bartolo
