Ixxerja

Il-Partit Nazzjonalista esprima tħassib dwar is-sitwazzjoni demografika fil-Furjana, b’mod partikolari dwar it-tnaqqis fil-popolazzjoni u ż-żieda fl-età medja tar-residenti.

Dan is-suġġett ġie diskuss waqt laqgħa li l-Kap tal-Partit Nazzjonalista Alex Borg kellu mal-Kunsill Lokali tal-Furjana nhar it-Tlieta. Fi stqarrija wara l-laqgħa, il-PN qal li l-popolazzjoni tal-Furjana niżlet minn madwar 5,000 persuna għal madwar 1,700, filwaqt li l-età medja tar-residenti issa qabżet is-60 sena.

Fost il-problemi li ntqalu kien hemm ukoll iż-żieda fil-prezzijiet tal-proprjetà. Skont il-partit, din ir-realtà qed tagħmilha aktar diffiċli għaż-żgħażagħ u l-familji biex jibqgħu jgħixu fil-lokalità. Il-PN semma wkoll il-konverżjoni ta’ djar vojta f’boutique hotels, akkomodazzjoni għal kirjiet qosra u proprjetajiet kummerċjali, fattur ieħor li qal qed ikollu impatt fuq il-komunità residenzjali tal-Furjana.

Il-partit saħaq fuq il-ħtieġa li din is-sitwazzjoni tiġi indirizzata sabiex il-Furjana tibqa’ lokalità fejn il-familji u ġenerazzjonijiet ġodda jkunu jistgħu jgħixu u jibnu l-futur tagħhom.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Ir-Rebbieħ Ta’ Big Brother Malta Jay Vella, Imur L-Isptar Biex Bħala Parrukkier Jaqta’ Xagħar Tifel 

Eileen Cumbo Salerno Illum

Omm Maltija, Michelle Mangion, kitbet messaġġ ta’ ringrazzjament wara ġest mill-isbaħ li l-parrukkier Jay (magħruf għar-rebħa tal-ewwel edizzjoni f’ Big Brother Malta) għamel ma’ binha.Michelle spjegat li Jay Vella mar apposta l-isptar sabiex jaqta’ xagħar binha li bħalissa jinsab għaddej minn żmien mhux daqshekk faċli.Għaliha, dan ma fissirx biss servizz tax-xagħar. Il-ġest ta’ Jay irnexxielu jġib ftit ferħ u […]