Ixxerja

Il-kantanta Maltija Christabelle għandha aħbar mill-isbaħ xi taqsam mas-segwaċi tagħha hekk kif ħabbret li qed tistenna t-tieni tarbija tagħha!

Christabelle qasmet l-aħbar permezz ta’ filmat fuq il-midja soċjali, fejn mill-ewwel qanqlet il-kurżità tas-segwaċi tagħha bil-kliem, “Dejjem b'ħafna sorpriżi... ibqgħu segwu sat-tmiem.” Kien proprju lejn tmiem il-filmat li waslet is-sorpriża l-kbira, hekk kif Christabelle żvelat li hi u żewġha Jordan se jerġgħu jsiru ġenituri.

Il-koppja diġà huma ġenituri taċ-ċkejkna Valentina, u issa l-familja tagħhom tinsab lesta biex tikber b’membru ġdid. L-aħbar żgur li kienet waħda mill-isbaħ sorpriżi għas-segwaċi tal-kantanta, li tul is-snin segwewha kemm fil-karriera mużikali tagħha kif ukoll f’mumenti importanti mill-ħajja personali tagħha.

Minn Gwida.mt, nifirħu mill-qalb lil Christabelle u Jordan għal din l-aħbar sabiħa u nawgurawlhom kull ġid f’dan il-kapitlu ġdid għall-familja tagħhom!

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Gossip

Għada Jagħlaq Sentejn Minn Meta Karl Gouder Ħalla Din Id-Dinja, Iżda L-Memorja Tiegħu Tibqa’ Ħajja

Matthea Grech 9 ta' Settembru, 2026

Għada jkunu għaddew sentejn minn meta Karl Gouder ħalla din id-dinja, iżda għal dawk li ħabbewh, iż-żmien ma jħassarx il-memorji u lanqas l-imħabba.F’messaġġ ta’ tifkira, il-Partit Nazzjonalista ta’ Tarxien sellem il-memorja għażiża ta’ Karl, filwaqt li fakkar li jibqa’ dejjem magħhom u qatt minsi. B’mod partikolari, il-memorja tiegħu tibqa’ għażiża għall-martu u ħuh, Maxine u […]