Ixxerja

Il-komunità tal-Parroċċa ta’ San Ġorġ fir-Rabat Għawdex qed tilqa’ b’ferħ lis-Seminarista Andrea Cauchi, li ġie assenjat biex jagħmel il-ministeru pastorali tiegħu fi ħdan il-komunità.

Andrea, mill-Parroċċa ta’ San Pawl Nawfragu fil-Munxar, ġie ppreżentat lill-ġemgħa preżenti mill-Arċipriet waqt il-quddiesa tal-10:00am. Huwa se jkun qed jakkumpanja b’mod partikolari lill-gruppi tal-abbatini, lit-tfal u lill-adolexxenti, speċjalment matul tmiem il-ġimgħa.

Din l-esperjenza tagħmel parti mill-mixja tiegħu lejn is-saċerdozju, hekk kif Andrea jinsab fi triqtu biex jibda t-tieni sena ta’ formazzjoni fis-Seminarju tad-Djoċesi. Sa issa, huwa diġà kellu esperjenza pastorali fil-Parroċċa tal-Katidral, kif ukoll fir-Rabat.

Il-Parroċċa laqgħetu b’ħafna ferħ u tama, filwaqt li fakkret kemm hu sabiħ li l-komunità Nisranija tkun post fejn kulħadd jagħti s-sehem tiegħu.

Fl-aħħar mill-aħħar, il-mixja lejn il-fidi ma ssirx waħedha. Hija vjaġġ li fih wieħed jakkumpanja lill-ieħor, jaqsam l-esperjenzi u jagħti dak li jista’ għall-ġid tal-komunità u tal-Knisja.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Dun Stefan Galea Hu L-Arċipriet Il-Ġdid Tal-Parroċċa ta’ San Gejtanu

Matthea Grech Illum

Il-komunità tal-Parroċċa ta’ San Gejtanu qed tilqa’ b’ferħ lil Dun Stefan Galea bħala l-Arċipriet il-ġdid tal-parroċċa.Permezz ta’ messaġġ fuq il-paġna tagħha, l-Għaqda tal-Mużika San Gejtanu awguratlu mill-qalb f’dan il-bidu ġdid fil-ħidma pastorali tiegħu fost il-komunità. Filwaqt li Dun Stefan diġà beda l-parrokkat tiegħu b’mod uffiċjali, il-pussess formali tiegħu bħala Arċipriet se jingħata waqt quddiesa li […]