Ixxerja

Fil-Jum Dinji tal-Qalb li ġie ċċelebrat nhar it-Tlieta li għadda, Christine Grixti tkellmet dwar l-esperjenza li għaddiet minnha meta kellha 20 sena u t-tobba qalulha li sabiex tkompli tgħix kellha bżonn trapjant tal-qalb.

Christine tispjega li bdiet tħoss l-ewwel sintomi meta kellha biss 17-il sena u tirrakkonta kif il-qagħda ta' saħħa li kienet fiha ċaħditha milli tgawdi ċerti esperjenzi taż-żogħżija.

Tispjega kif meta ngħatat l-aħbar li kienet teħtieġ trapjant tal-qalb, għaddiet minn perjodu ta' stennija li fi kliemha kien ikkaratterizzat minn "dwejjaq kbar".

"L-istennija għal trapjant hi diffiċli għaliex, l-ewwel u qabel kollox, inti ma tafx jekk hux verament se jasal il-mument li tingħata trapjant, u t-tieni, inti taf li jekk jasal dak il-mument, dak ikun ifisser li xi ħadd ieħor tilef ħajtu," tispjega Christine fuq il-programm NET Live li qed jixxandar kuljum mit-Tnejn sal-Ġimgħa fl-16:30.

Christine tirrakkonta kif f'dan iż-żmien tant diffiċli f'ħajjitha tilfet ukoll liż-żewġ ġenituri tagħha, u f'mument minnhom it-tobba wkoll qalulha li ma kienx hemm wisq tama li hi se ssalva.

B'xorti tajba, illum il-ġurnata Christine ngħatat it-trapjant li tant kienet teħtieġ u tinsab f'qagħda ta' saħħa ferm aħjar.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Bosta Rrabjati Wara Li Statwa Tal-Madonna Ġiet Ivvandalizzata Bil-Lejl Fi Franza

Cristian Tonna Illum

Bosta bħalissa qed jesprimu r-rabja tagħhom wara li fil-gżira Franċiża ta’ Korsika, statwa tal-Madonna ġiet ivvandalizzata u mkissra fil-lejl ta’ bejn l-Erbgħa 30 ta’ Settembru u l-Ħamis 1 t’Ottubru.Is-sindku tal-lokalità fejn tinsab din l-istatwa ddeskriva dan l-att ta’ vandaliżmu bħala wieħed “tal-mistħija”. Hu spjega kif għal bosta Franċiżi, din l-istatwa tirrappreżenta post fejn imorru sabiex […]