Ixxerja

Wara vjaġġ mimli mumenti sbieħ, tbissim u tant memorji, wasal iż-żmien li Bottegin Annunzjata tgħid addijo lill-klijenti tagħha.

Fi kliem mimli emozzjoni, it-tim qal, li għalkemm l-avventura tagħhom waslet fi tmiemha, meta jħarsu lura lejn kull persuna li qatt għaddiet mill-bibien tagħhom, qalbhom timtela mimlija gratitudni u mħabba. Għalihom, Bottegin Annunzjata qatt ma kienet sempliċement xogħol, iżda post fejn setgħu jkunu parti minn mumenti verament speċjali fil-ħajja tan-nies.

Minn għeluq is-snin u magħmudijiet, għal tqarbin, konfirmazzjonijiet, għerusija u ċelebrazzjonijiet oħra, huma kellhom l-unur li jkunu parti minn tant okkażjonijiet importanti. L-aktar ħaġa sabiħa hi, li din mhijiex addijo għal kollox. It-tim se jkompli l-ħidma tiegħu f’Balzan Football Club, ftit passi ’l bogħod, fejn se jibqa’ jservi l-pizza u aktar ikel.

“Grazzi talli kontu parti mill-vjaġġ tagħna,” qalu, filwaqt li saħqu li ħafna mill-klijenti saru ħbieb, u wħud saħansitra jikkunsidrawhom bħala familja.

It-Tim ta' Gwida.mt jifirħilhom l-isbaħ xewqat għal futur tagħhom u jirringrazzjahom ta' xogħolhom u d-dedikazzjoni li wrew ma' kull klijent.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Suċċess Sabiħ Għal Karl Li Kiseb Distinction Fl-Eżami Tat-Timpani

Matthea Grech Illum

Hemm mumenti li jimlew il-qalb bil-ferħ u l-kburija, speċjalment meta s-suċċess ikun ir-riżultat ta’ ħafna dedikazzjoni, paċenzja u mħabba lejn dak li wieħed jagħmel.Hekk ġara lil Karl, tifel li kiseb Distinction fl-eżami prattiku Grade 3 tat-Timpani tal-London College of Music. Suċċess bħal dan f’età żgħira huwa xhieda tal-ħidma u l-impenn tiegħu, u bla dubju mument […]