Ixxerja

Ftit sigħat ilu l-Gozo Channel ħabbret fuq il-midja soċjali li l-vapuri tagħha bdew jużaw ir-rotta ta' wara Kemmuna sabiex jaqsmu l-fliegu ta' bejn Malta u Għawdex. Dan fl-isfond tar-riħ li beda jaħkem lill-gżejjer Maltin matul dawn l-aħħar sigħat u li mistenni jkompli jissaħħaħ matul il-ġurnata.

Fid-dawl ta' din l-aħbar, il-Gozo Channel ħeġġet lil dawk kollha li qed jippjanaw li jaqsmu l-fliegu llum sabiex jaħsbulu minn qabel hekk kif hu mistenni li l-vapuri jittardjaw fil-vjaġġi tagħhom.

Dalgħodu ħarġet twissija ta' riħ qawwi li mistennija tibqa' fis-seħħ sa tmiem il-ġurnata li wissiet li r-riħ jaf saħansitra jilħaq il-forza 8 f'ċerti nħawi fejn jaqbel.

Ir-ritratt li qed jintwera mhuwiex meħud illum, iżda ttieħed xi xhur ilu meta wkoll il-baħar kien kemxejn imqalleb.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Appell Għal Għalliema Tas-Sewqan Interessati Li Jgħallmu Persuni B’Diżabilità

Kyle Zarb Illum

Oliver Scicluna qasam messaġġ fuq il-midja soċjali li xtaq li kemm jista’ jkun jasal. Hu appell biex isibu għalliema tas-sewqan li jistgħu joffru s-servizz tagħhom adattat għal persuni b’diżabiltà“Qed infittxu għalliema tas-sewqan li jkunu interessati jgħallmu persuni b’diżabilità jsuqu karozza b’mod adattat għall-bżonnijiet tagħhom, sabiex eventwalment ikunu jistgħu jiksbu l-liċenzja tas-sewqan. Naf kemm il-karozza għenitni […]