Ixxerja

Kultant ma jkunx hemm bżonn ħafna kliem biex inħallu impatt fuq il-ġurnata ta’ xi ħadd. Tbissima żgħira tista’ tkun biżżejjed biex iġġib ftit dawl f’mument diffiċli.

Illum, fit-2 ta’ Ottubru, jiġi ċċelebrat il-Jum Internazzjonali tat-Tbissima, jum li jfakkarna kemm ġest sempliċi jista’ jagħmel differenza.

Tbissima tista’ tkun sinjal ta’ ħbiberija, kuraġġ, mħabba jew sempliċement mod kif ngħidu lil persuna oħra: "Qiegħed hawn għalik.” Xi drabi, tbissima li tingħata mingħajr ma nafu, tista’ tbiddel kompletament il-ġurnata ta’ persuna.

F’dinja fejn kulħadd jista’ jkun għaddej minn problemi li ma jidhrux fuq wiċċu, ftit aktar ġentilezza qatt ma tagħmel ħsara. B'hekk, illum tista’ tkun l-okkażjoni perfetta biex tbissem lil xi ħadd li tiltaqa’ miegħu, tibgħat messaġġ sabiħ lil persuna għażiża jew sempliċement tagħti tbissima lilek innifsek quddiem il-mera.

Fil-fatt, tbissima waħda ma tbiddilx id-dinja kollha, iżda jaf tagħmel differenza u ddawwal il-ħajja ta’ persuna waħda.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Gossip

Suċċess Sabiħ Għal Karl Li Kiseb Distinction Fl-Eżami Tat-Timpani

Matthea Grech Illum

Hemm mumenti li jimlew il-qalb bil-ferħ u l-kburija, speċjalment meta s-suċċess ikun ir-riżultat ta’ ħafna dedikazzjoni, paċenzja u mħabba lejn dak li wieħed jagħmel.Hekk ġara lil Karl, tifel li kiseb Distinction fl-eżami prattiku Grade 3 tat-Timpani tal-London College of Music. Suċċess bħal dan f’età żgħira huwa xhieda tal-ħidma u l-impenn tiegħu, u bla dubju mument […]