Ixxerja

Is-Surmast Lelio Spiteri qasam mument tassew ħelu u sinċier li seħħ waqt quddiesa, fejn tifel żgħir jismu Lorenzo għamel dik il-lejla waħda speċjali għalih.

Fil-messaġġ li qasam fuq Facebook, Spiteri spjega kif Lorenzo jħobb imur il-knisja man-nanna u n-nannu tiegħu u li bħalissa jattendi l-iskola tiegħu fil-Kinder 1. Huwa qal li kien ilu jgħid lit-tifel kemm jieħu gost jarah il-knisja u li xtaq li xi darba joqgħod ħdejh waqt li jkun qed idoqq l-orgni. 

U proprju lbieraħ filgħaxija, din ix-xewqa saret realtà! “Kif rani dieħel il-knisja, ġie b’ġirja fuqi,” kiteb Spiteri b’emozzjoni. Lorenzo qatta’ l-quddiesa kollha bilqiegħda ħdejh, kultant jagħfas xi nota jew buttuna tal-orgni, bejn tbissima u tegħmiża ħelwa. 

Is-Surmast temm il-kitba tiegħu b’messaġġ qasir iżda mimli apprezzament: “Bravu Lorenzo!” Ir-ritratt li akkumpanja l-messaġġ jindika tbissima ġenwina bejn it-tnejn, f’mument li ħafna segwaċi ddeskrivew bħala wieħed sabiħ u emozzjonali.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Kelb Li Kien Abbandunat Isib Dar Mimlija Mħabba Ma’ Patrijiet Franġiskani U Jsir Magħruf Bħala “Brother Whiskers”!

Eileen Cumbo Salerno Illum

Bħalissa qed naraw storja ħelwa u emozzjonanti ddur fuq il-midja soċjali. Storja dwar kelb li xi darba kien jgħix fit-toroq u sab familja ġdida ma’ patrijiet Franġiskani ġewwa l-Bolivja. Il-kelb, li llum sar magħruf bħala “Brother Whiskers” jew “Friar Bigotón”, ġie milqugħ fil-komunità reliġjuża wara li kien qed jgħix waħdu bħala kelb abbandunat. Illum il-ġurnata […]