Skont il-Kap 649 tal-Att dwar l-Awtorità għas-Sigurtà tal-Ikel, u f'konformità mar-rwol tal-Awtorità li tassigura t-trasparenza u l-għarfien pubbliku dwar kwistjonijiet relatati mas-sigurtà tal-ikel, l-Awtorità qed tinforma lill-pubbliku bl-informazzjoni li rċeviet permezz tas-Sistema Rapida tal-Ikel u l-Għalf, (RASFF), l-imsemmi prodott li jiġi f'kuntatt mal-ikel m'għandux jintuża minħabba li nstab li waqt l-użu jista' jkun hemm migrazzjoni ta' Arseniku fl-ikel.
L-esponiment fit-tul għall-arseniku ġie assoċjat ma' bosta effetti ħżiena fuq is-saħħa tal-bniedem, inkluż ir-riskju li jiżviluppaw ċertu tipi ta' kanċer.
Dan l-avviż japplika għall-prodotti mixtrija bejn Jannar 2020 u Ġunju 2026.
- Deskrizzjoni tal-oġġett: Taġen tal-ħadid fondut
- Ditta: Napoleon
- Kodiċi tal-prodott: 56003
- EAN: 629162560032
- Oriġini: Il-Kanada
Il-konsumatur m'għandux juża dan l- oġġett u huwa mitlub jew jarmi l- oġġett indikat jew jirritornah lura minn fejn xtrah. Għal aktar informazzjoni, il-pubbliku jista' jċempel lill-Awtorità għas-Sigurtà tal- Ikel fuq in-numru tat-telefown +356 26025000, mit-Tnejn sal-Ġimgħa bejn it-08:00 ta' filgħodu u t-3:00 ta' wara nofsinhar, jew jibgħat email fuq l-indirizz info.fssa@gov.mt
