Ixxerja

Il-kantanta Maltija Megan May qed tiċċelebra kisba importanti wara li ggradwat minn Abbey Road Institute bħala music producer u sound engineer b’distinzjoni, filwaqt li ngħatat ukoll ir-rikonoxximent ta’ outstanding ambassador.

F’messaġġ fuq il-midja soċjali, Megan qalet li din l-esperjenza kienet waħda li bidlitilha ħajjitha. “Din id-deċiżjoni, li għall-ewwel dehret tal-biża’, bidlitli ħajti u għamlet lil Megan iċ-ċkejkna tħossha l-aktar persuna cool,” kitbet Megan.

Hija ddeskriviet iċ-ċerimonja tal-gradwazzjoni bħala “l-isbaħ ċelebrazzjoni tat-tkabbir tagħna, tal-ħbiberija u tal-mużika li ħloqna flimkien.” Meghan irringrazzjat lill-għalliema tagħha, lil sħabha tal-kors, lill-familja tagħha u lill-għarus tagħha għall-appoġġ li tawha matul dan il-vjaġġ.

“Dawn kollha emmnu fija meta jien ma kontx nemmen fija nnifsi, u dak hu l-akbar rigal li tani Alla,” qalet. Hija temmet il-messaġġ tagħha billi rringrazzjat lil Abbey Road Institute u żiedet. “Prosit għal aktar mużika,” filwaqt li fakkret lilha nnifisha u lis-segwaċi tagħha biex dejjem isegwu qalbhom.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Gossip

“57… Qaddsa X’Nixjieħ… Dalwaqt Bil-Karta Anzjan” – L-Attur Brian Farrugia Jiċċelebra Għeluq Sninu

Emil Calleja Bayliss Illum

B’doża tajba ta’ umoriżmu, Brian Farrugia jiċċelebra għeluq is-57 sena tiegħu b’messaġġ li ġab tbissima fuq wiċċ is-segwaċi tiegħu. “57… Qaddsa x’nixjieħ… dalwaqt bil-kara’ anzjan,” kiteb fuq il-midja soċjali hekk kif irringrazzja lil dawk kollha li ftakru fih f’dan il-jum speċjali. Huwa esprima l-apprezzament tiegħu lejn kull min bagħatlu l-awguri u messaġġi sbieħ, kif ukoll […]