Ixxerja

L-attriċi Amerikana Daveigh Chase, magħrufa l-aktar bħala l-vuċi ta’ Lilo fil-film popolari Lilo & Stitch u għall-irwol ta’ Samara Morgan fil-film The Ring, mietet fl-età ta’ 35 sena. Skont rapporti internazzjonali, Chase mietet wara kumplikazzjonijiet marbuta mal-meninġite u infezzjoni fid-demm li wasslet għal sepsis. Il-mewt tagħha ġiet ikkonfermata mill-għarus tagħha, Roy Hernandez.

Għal ħafna, Chase kienet il-vuċi wara wieħed mill-aktar karattri maħbuba ta’ Disney, hekk kif tat il-vuċi lil Lilo Pelekai fil-film oriġinali ta’ Lilo & Stitch fl-2002. Hija tat ukoll il-vuċi lil Chihiro fil-verżjoni bl-Ingliż tal-film animat magħruf Spirited Away. Madankollu, ħafna oħrajn jibqgħu jiftakruha bħala Samara Morgan, il-karattru li ħalla impatt kbir fid-dinja tal-films tal-biża’ u li rebbaħha wkoll il-premju tal-MTV għall-Aqwa Villain.

Matul il-karriera tagħha, Chase dehret ukoll f’produzzjonijiet bħal Donnie Darko, Big Love u ER. L-aħbar tal-mewt tagħha wasslet għal għadd kbir ta’ messaġġi ta’ kondoljanzi fuq il-midja soċjali, b’ħafna segwaċi jfakkru kemm il-karattri tagħha kienu parti importanti mit-tfulija tagħhom.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Tħabbret Il-Mewt Ta’ Richard Aquilina – Impjegat Dedikat Ta’ Bezzina Group Għal Kważi 40 Sena

Emil Calleja Bayliss Illum

Bezzina Group ħabbret b’sogħba kbira l-mewt ta’ Richard Aquilina, kollega maħbub li għal kważi 40 sena kien parti importanti mill-familja tal-kumpanija. Fi stqarrija li tellgħu fuq il-midja soċjali, il-kumpanija qalet li Richard kien impjegat stmat ħafna, magħruf għad-dedikazzjoni, il-lealtà u l-passjoni ġenwina li dejjem wera fix-xogħol tiegħu. Bezzina Group sostniet li matul is-snin kollha li […]