Ixxerja

Skont informazzjoni rrappurtata minn TVMnews, il-Pulizija qalet li għall-ħabta tal-5:30pm, waqt li kienu għaddejjin tfittxijiet intensivi għar-raġel, intlemħet persuna bla ħajja, f’għalqa fl-inħawi ta' Bulebel.

Aktar tard ġie kkonfermat li l-persuna kien Eusebio Abela, li ġie ċċertifikat mejjet fuq il-post.

Il-Pulizija qalet, li qed jiġi eskluż is-sehem ta’ terzi persuni.

Il-Maġistrat Philip Galea Farrugia, ġie infurmat bil-każ u ħatar inkjesta sabiex jiġi stabbilit x’wassal għall-mewt tar-raġel. Sadanittant, l-investigazzjonijiet tal-Pulizija għadhom għaddejjin.

It-tfittxija għal Eusebio Abela kienet bdiet wara li aktar kmieni kien ġie rrappurtat nieqes. Il-każ wassal għal tfittxijiet intensivi fl-inħawi, li eventwalment wasslu biex instab il-ġisem tiegħu.

Aktar dettalji dwar il-każ mistennija joħorġu hekk kif tkompli l-inkjesta maġisterjali u l-investigazzjoni tal-Pulizija.

Sadanittant, it-Tim ta' Gwida jagħti l-kondoljanzi lill-familja u l-qraba tiegħu.

Ixxerja

Miktub Minn

Matthea Grech

Għandi passjoni kbira għal-lingwa Maltija. Jien studenta u interessata ferm f'dak kollu li qed jiġri madwarna, speċjalment fid-dinja tal-ispettaklu. Nikkunsidrani bħala persuna pożittiva, kunfidenti u lesta biex ngħin lil ħaddieħor. Dejjem bi tbissima fuq fommi u ċajta ma nafx neħodha! Fil-ħin liberu tiegħi inħobb ninżel ħdejn il-baħar għax hemm insib is-serħan tal-moħħ u l-ispirazzjoni biex nikteb il-poeżiji. Apparti minn hekk, inħobb naqra rumanzi romantiċi bil-Malti u jaffaxinawni ħafna l-lingwi fosthom l-Ispanjol u t-Tork.

Issa

Redeemer Grima Huwa L-Għaddas Li Tilef Ħajtu Waqt Li Kien Qed Jaħdem Fl-Akwati Tal-Gżejjer Ta’ San Pawl

Emil Calleja Bayliss Illum

Redeemer Grima huwa l-għaddas li tilef ħajtu traġikament waqt li kien qed jaħdem fl-akwati tal-Gżejjer ta’ San Pawl.Il-każ seħħ waqt li Grima kien qed iwettaq xogħol ta’ għadis f’din iż-żona, bil-mewt tiegħu tħalli niket fost dawk li kienu jafuh, kif ukoll fil-komunità tal-għaddasa. F’dan il-mument diffiċli, il-ħsibijiet imorru lejn il-familja, il-qraba u l-ħbieb tiegħu, li […]