Ixxerja

Sitt snin wara li tilfet lil bintha Emily, Vanessa Gatt qasmet messaġġ mimli emozzjoni fuq il-midja soċjali, fejn fissret kemm il-vojt li ħalliet warajha għadu jinħass kuljum. "L-anqas irrid nemmen li għaddew 6 snin mill-ikrah ġurnata ta' ħajti, il-ġurnata li ħallejtni inti, binti l-għażiża," kitbet Vanessa, filwaqt li ddeskriviet it-telfa bħala "ferita li ma tagħlaq qatt."

Hija qalet li, minkejja li ilhom sitt snin ma jaraw lil Emily, tħossha magħha kullimkien. Żiedet li qatt ma għaddiet sekonda mingħajr ma ħasbet fiha u spiss timmaġinaha kif kienet tkun kieku baqgħet magħhom. Fl-aħħar tal-messaġġ tagħha, Vanessa kitbet kliem li jolqot il-qalb, "Nibqa' nħobbok għal dejjem, anġlu tiegħi, u ibqa' ħarisna. Nimmissjak wisq Emily."

Il-messaġġ tagħha qanqal bosta kummenti ta' sostenn u mħabba minn persuni li bagħtulha kliem ta' kuraġġ u fakkru lil Emily f'dan l-anniversarju tant diffiċli għall-familja tagħha.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Bil-Filmat: “Qabel Tikteb Kumment Ta’ Mibegħda, Ftakar Li Hemm Persuna Vera Fuq In-Naħa L-Oħra” – Sarah Bajada

Emil Calleja Bayliss Illum

Sarah Bajada appellat għall-aktar empatija u rispett fuq il-midja soċjali, wara li esprimiet id-diżappunt tagħha għall-ammont ta’ kummenti ta’ mibegħda li qed jirċievu l-kontestanti ta’ Love Island Malta.F’filmat li qasmet fuq il-midja soċjali, Sarah faħħret lill-produzzjoni tal-programm għax, fi kliemha, irnexxielha toħloq produzzjoni Maltija ta’ suċċess. Madankollu, qalet li kienet ixxukkjata meta rat il-livell ta’ […]