Mument tassew speċjali għal Keith Panelli u Yasmin, hekk kif il-koppja qed tiċċelebra r-raba’ anniversarju taż-żwieġ tagħha. F’din l-okkażjoni sabiħa, Keith għażel li jaqsam messaġġ mimli mħabba u gratitudni ddedikat lill-mara ta’ ħajtu.
Permezz ta’ kitba fuq il-midja soċjali, Keith fakkar kemm kienet speċjali għalih il-ġurnata li fiha żżewweġ lill-maħbuba tiegħu, filwaqt li rringrazzjaha ta’ dak kollu li tagħmel għalih u għall-familja tagħhom.
"Erba’ snin miżżewweġ lill-imħabba ta’ ħajti. Waħda mill-isbaħ ġranet ta’ ħajti kienet dik li fiha stajt insejjaħlek marti. Grazzi ta’ dak kollu li tagħmel għalija u għall-familja tagħna. Se nibqa’ għal dejjem grat lejk u lejn il-ħajja li qed nibnu flimkien," kiteb Keith.
Huwa temm il-messaġġ tiegħu bi kliem mill-aktar romantiku, hekk kif iddeskriva lil Yasmin bħala r-reġina tiegħu u awgura li l-imħabba tagħhom tibqa’ għal dejjem. Kliem mill-qalb li juri kemm Keith jgħożż ir-relazzjoni tagħhom u l-familja li qed ikomplu jibnu flimkien, sena wara l-oħra.
Minn Gwida.mt nawguraw lil Keith u lil Yasmin l-isbaħ xewqat f'dan l-anniversarju speċjali, u nittamaw li jkollhom quddiemhom ħafna aktar snin ta’ mħabba, ferħ u memorji sbieħ flimkien!
Facebook / Keith Panelli
