Ixxerja

Fost l-artisti Maltin li se jitilgħu fuq il-palk tal-Isle of MTV Malta 2026 hemm ukoll Mychael Bartolo Chircop, li ħabbar dan permezz ta’ messaġġ fuq il-midja soċjali.

Il-kantant żvela li se jkun qed jagħti prestazzjoni waqt il-festival popolari li se jsir fit-22 ta’ Lulju, u esprima l-gratitudni tiegħu lejn G7 Events u lil dawk kollha li tawh din l-opportunità.

Mychael mhuwiex wiċċ ġdid għas-segwaċi tal-mużika Maltija. Lura fi Frar li għadda, huwa ħa sehem fil-Malta Eurovision Song Contest 2026 (MESC) bil-kanzunetta My Sweet Angel, fejn spikka bħala wieħed mill-iżgħar parteċipanti fl-edizzjoni ta’ din is-sena. Hu wasal fit-tielet post.

L-edizzjoni ta’ din is-sena tal-Isle of MTV Malta se tlaqqa’ fuq l-istess palk artisti internazzjonali bħal Katy Perry, Afrojack u AIDAN.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Gossip

Nawguraw Lill-Attur Lokali Ryan Galea F’Għeluq Sninu – Rajnieh F’Diversi Produzzjonijiet Televiżivi Popolari

Kyle Zarb Ilbieraħ

L-attur lokali Ryan Galea qiegħed jiċċelebra għeluq sninu llum. Ryan jibqa’ maħbub għall-parti fenominali ta’ Simba fis-serje Evanġelisti u bħala Michael fis-serje Iċ-Ċaqqufa.Lura fis-snin kien anke parti mill-kast ta’ sensiliet bħal Gizelle. Apparti bħala attur, Ryan huwa artist bravissimu, fejn anke jgħallem l-arti lil bosta studenti.F’Jannar tal-2023, Ryan, flimkien ma’ martu, l-attriċi Maria Galea, saru […]